The news is by your side.

Advertisement

آٹھ دہشت گردوں کو سزائے موت، 3 کو عمر قید، آرمی چیف کی توثیق

راولپنڈی: آرمی چیف نے 8 دہشت گردوں کی سزائے موت اور تین کو عمر قید کی سزا دینے کی توثیق کردی، دہشت گرد سانحہ صفورا، سبین محمود قتل کیس اور چینی انجینئرز کے قتل میں ملوث تھے۔

اے آر وائی نیوز کے نمائندے لئیق الرحمان نے بتایا کہ آرمی چیف جنرل قمر جاوید باجوہ کی طرف سے آٹھ دہشت گردوں کی سزائے موت کی توثیق کردی گئی مجرمان سانحہ صفورا میں اسماعیلی برادری کے 45 افراد کے قتل ، سماجی رہنما سبین محمود کی ٹارگٹ کلنگ اور چینی انجینئرز کے اغوا و قتل میں ملوث تھے۔

مجموعی طور پر ان مجرمان کے حملوں میں 90 افراد جاں بحق اور 99 زخمی ہوئے، جن آٹھ افراد کے ڈیتھ وارنٹ پر دستخط کیے گئے ان میں حافظ محمد عمر ،علی رحمان، عبدالسلام، خرم شفیق،مسلم خان(کالعدم تنظیم کا ترجمان) ،محمد یوسف، سیف اللہ اور بلال محمود شامل ہیں۔

دریں اثنا مجرمان سرتاج علی، محمود خان اور فضل غفار بھی دہشت گردی کے واقعات میں ملوث ہیں انہیں سزائے موت کے بجائے عمر قید کی سزا سنائی گئ ہے، آرمی چیف نے ان کی سزا کی بھی توثیق کردی۔

Print Friendly, PDF & Email

Comments

comments

یہ بھی پڑھیں