راولپنڈی : آرمی چیف جنرل قمر جاوید باجوہ سے امریکی سفیرڈیوڈہیل نے ملاقات کی، اس موقع پر علاقائی سیکیورٹی اورباہمی دلچسپی کے امور پر تبادلہ خیال کیا گیا۔
پاک فوج کے شعبہ تعلقات عامہ آئی ایس پی آر کے مطابق امریکی سفیر ڈیوڈ ہیل نے جی ایچ کیو راولپنڈی کا دورہ کیا، امریکی سفیرنے جنرل ہیڈ کوارٹر میں آرمی چیف جنرل قمر جاوید باجوہ سے خصوصی ملاقات کی۔
ملاقات میں دونوں رہنماؤں نے علاقے کی سیکیورٹی کی صورتحال کے علاوہ باہمی دلچسپی کے امورپربھی تبادلہ خیال کیا۔
اپنی گفتگو میں امریکی سفیرڈیوڈہیل کا کہنا تھا کہ خطے میں امن واستحکام کیلئے پاک فوج کا کردار انتہائی قابل قدر ہے اور آپریشن ردالفساد سے پاکستان سے دہشتگردی کےخاتمے میں مدد ملے گی۔
یاد رہے کہ اس سے قبل بھی امریکی سفیرڈیوڈہیل نے 15دسمبر 2016 کو آرمی چیف جنرل قمر جاوید باجوہ سےملاقات کی تھی۔
