آرمی چیف کا کھاریاں اور گوجرانوالہ کے قریب فوجی مشقوں کا جائزہ -
The news is by your side.

Advertisement

آرمی چیف کا کھاریاں اور گوجرانوالہ کے قریب فوجی مشقوں کا جائزہ

گوجرانوالہ : پاک فوج کے سربراہ جنرل راحیل شریف نے کھاریاں اور گوجرانوالہ کے قریب جاری فوجی مشقوں کا جائزہ لیا، آرمی چیف نے مشقوں میں حصہ لینے والے جوانوں کی تربیت ،پیشہ وارانہ صلاحیت ا وربلند حوصلے کو سراہا۔

تفصیلات کے مطابق آرمی چیف جنرل راحیل شریف نے کھاریاں کے قریب فوجی مشقوں کا جائزہ لیا، آرمی چیف کو ورچوئل وار روم میں مشقوں سے متعلق بریفنگ دی گئی، آرمی چیف نے رات کے وقت جنگی مشقوں کے انعقاد کا جائزہ لیا۔

ان مشقوں میں سینٹرل اورسدرن کمان کے فوجی دستے حصہ لے رہے ہیں، آرمی فیلڈ ایکسرسائزز کا مقصد سنٹرل اورسدرن کمانڈ کی آپریشنل تیاریوں اور جنگی حکمت عملی کی توثیق ہے۔

 

آرمی چیف کو اس موقع پر ہائی ٹیکنالوجی کے حامل نئے ورچوئل وارروم کے بارے میں بھی آگاہ کیا گیا، جسے ان جنگی مشقوں کے دوران استعمال کیا جارہا ہے، جنگی مشقوں میں انفینٹری اور میکنائیزڈ کالمز اور پنجاب رینجرز کے دستوں نے مل کر مختلف حربی آپریشز کیے۔


مزید پڑھیں : کھاریاں،آرمی چیف نےفوجی مشق کا جائزہ لیا


آرمی چیف نے مشقوں میں حصہ لینے والے جوانوں کی تربیت ،پیشہ وارانہ صلاحیت ا وربلند حوصلے کو سراہا۔

اس موقع پر سنٹرل کمانڈ کے سربراہ لیفٹیننٹ جنرل عمر درانی ، کورکمانڈرگوجرانوالہ لیفٹیننٹ جنرل اکرام الحق اورآئی جی ٹریننگ لفٹیننٹ جنرل قمر جاوید باجوہ بھی موجود تھے۔

Comments

comments

یہ بھی پڑھیں