The news is by your side.

Advertisement

پاک فوج دہشتگردی کے مکمل خاتمے کے لیے پرعزم ہے، آرمی چیف

آرمی چیف جنرل قمر جاوید باجودہ نے کور ہیڈکوارٹر پشاور کا دورہ کیا، اس موقع پر انہیں سیکیورٹی صورتحال، پاک افغان بارڈر پر باڑ سے متعلق بریفنگ دی گئی

آئی ایس پی آر کے مطابق آرمی چیف جنرل قمر جاوید باجوہ نے پشاور ہیڈکوارٹر کا دورہ کیا، آرمی چیف کے پشاور پہنچنے پر کور کمانڈر لیفٹیننٹ جنرل فیض حمید نے ان کا استقبال کیا۔

اس موقع پر انہیں سیکیورٹی صورتحال، پاک افغان بارڈر پر باڑ لگانے سے متعلق بریفنگ سمیت کے پی میں ضم ہونے والے اضلاع میں ترقیاتی کاموں سے بھی آگاہ کیا گیا۔

آئی ایس پی آر کے مطابق اس موقع پر آرمی چیف نے سماجی اور اقتصادی ترقی کے لیے سیکیورٹی فورسز کی کاوشوں کو سراہا۔

جنرل قمر جاوید باجوہ نے کہا کہ پاک فوج ملک سے دہشتگردی کے مکمل خاتمے کے لیے پرعزم ہے، ایف سی، لیویز، خاصہ دار، پولیس کے جوانوں اور افسران کی قربانیاں قابل تحسین ہیں۔

آرمی چیف نے واضح کیا کہ امن کے حصول کے لیے شہدا کا خون رائیگاں نہیں جائے گا اور پاکستان میں مکمل امن لائیں گے۔

Comments

یہ بھی پڑھیں