The news is by your side.

Advertisement

آرمی چیف کی سیالکوٹ باؤنڈری پر تعینات جوانوں سے ملاقات

لاہور: آرمی چیف آف اسٹاف جنرل راحیل شریف کی رینجرز ہیڈ کوارٹر کا مختصر دورہ جہاں ڈی جی رینجرز پنجاب میجر جنرل عمر فاروق برکی نے  سیالکوٹ ورکنگ باؤنڈری اور بھارت کے ساتھ ملحقہ سرحد پر کارکردگی کے حوالے سے بریفنگ دی۔

تفصیلات کے مطابق جنرل راحیل شریف کے لاہور پہنچنے پر کورکمانڈر لاہور جنرل صادق علی نے اُن کا استقبال کیا جس کے بعد چیف آف اسٹاف نے لاہور رینجرز ہیڈ کوارٹر پہنچے اور افسران سے ملاقات کی اور شہداء یادگار پر پھولوں کی چادر چڑھائی۔

اس موقع پر جنرل راحیل شریف نے رینجرز کی تیاریوں اور جوانوں کے جذبے کو سراہا اور سیالکوٹ ورکنگ باؤنڈری پر تعینات چاک و چوبند جوانوں سے ملاقات کر کے اُن کے حوصلے کو سراہا۔

پڑھیں: آرمی چیف نے اسٹرائیک کور ہیڈ کوارٹرز کا دورہ کیا

 یاد رہے اڑی سیکٹر پر حملے کے بعد بھارت کی جانب سے لائن آف کنٹرول پر  دراندازی اور جھوٹے سرجیکل دعووں کا سلسلہ جاری ہے، گزشتہ روز آرمی چیف نے پاک فضائیہ کی پاسنگ پریڈ میں شرکت کی اور جوانوں کے سے خطاب کرتے ہوئے کہا تھاکہ ’’بھارت کی جانب سے سرحد پر سرجیکل کا دعویٰ کیا گیا ہے، پڑوسی ملک کسی خوش فہمی میں نہ رہے اُسے ہر سازش کا بھرپور جواب دیا جائےگا‘‘۔

Comments

comments

یہ بھی پڑھیں