کھاریاں : آرمی چیف جنرل راحیل شریف کھاریاں پہنچ گئے ہیں اور سینٹرل کمانڈ کی مشقوں کا جائزہ لیا۔
پاک فوج کے تعلقات عامہ (آئی ایس پی آر) کے مطابق سینٹرل کمانڈ کی مشقیں گوجرانوالہ اور کھاریاں کے قریب جا ری ہیں جس میں پاک فوج کے جوان اپنی پیشہ ورانہ مہارت کا مظاہرہ کر رہے ہیں۔
اس حوالے سے آرمی چیف جنرل راحیل شریف کھاریاں پہنچ گئے ہیں جہاں انہوں نے جاری سینٹرل کمانڈ کی مشقوں کا جائزہ لیا اور جوانوں کی جوانمردی اور مہارت کی تعریف کرتے ہوئے مشقوں کے انعقاد کو حوصلہ افزاء امر قرار دیا۔
اسی سے متعلق : پاک فوج نے 140 ممالک کو شکست دے کرطلائی تمغہ جیت لیا
اس موقع پر آرمی چیف نے مشقوں میں حصہ لینے والے جوانوں سے ملاقات بھی کی، جوانوں نے دوران ِ گفتگو پاک سر زمین کی انچ انچ کی حفاظت کرنے کے عزم کا اعادہ کیا اور آرمی چیف کی آمد پر مسرت کا اظہار کیا۔
واضح رہے لائن آف کنٹرول بھارتی پر جارحیت اور بلا اشتعال فائرنگ کا سلسلے کے آغاز کے بعد سے فوجی مشقوں کی اہمیت بڑھ گئی ہے حال ہی میں روسی دستوں کے ساتھ پاکستان آرمی کی مشترکہ فوجی مشق میں اور برطانیہ میں ہونے والے ڈیڑھ سو سے زائد ممالک کے فوجی دستوں کے درمیان ہونے والے کیمبریئن مقابلوں میں اول نمبر حاصل کر کے پاک فوج نے اپنی پیشہ ورانہ مہارت کا عملی ثبوت دیا تھا۔
