راولپنڈی : آرمی چیف قمر باجوہ نے کہا ہے کہ بھارتی جارحیت کے خلاف کشمیریوں کے حوصلوں اور بلند ہمتی کی جتنی تعریف کی جائے کم ہے پاکستان کشمیریوں کی حق خودارادیت کی حمایت کرتا رہے گا۔
یہ بات انہوں نے لائن آف کنٹرول پر مظفرآباد سیکٹر کے دورے کے دوران جوانوں سے گفتگو کرتے ہوئے کہی جہاں انہیں مقامی کمانڈر کی جانب سے تفصیلی بریفنگ بھی دی گئی۔
ڈی جی آئی ایس پی آر کے مطابق آرمی چیف کو بریفنگ میں بھارت کی جانب سے لائن آف کنٹرول کی خلاف ورزی اور پاک فوج کے موثر جواب کے نتیجے میں بھارتی فوج کی پسپائی اور نقصانات سے متعلق بریفنگ دی گئی۔
COAS at LOC. Army aware of def & security challenges being faced by the cty, capable to defeat all threats ‘irrespective of the front’, COAS pic.twitter.com/cpTyyfGqva
— Maj Gen Asif Ghafoor (@OfficialDGISPR) June 10, 2017
اس موقع پر جوانوں سے گفتگو کرتے ہوئے آرمی چیف نے جوانوں کو ان کے عزم و حوصلے، مہارت اور بہادری کے ساتھ مکمل کیے گئے مشن کی تعریف کرتے ہوئے داد و تحسین سے نوازا۔
آرمی چیف قمر باجوہ نے بھارتی جارحیت کا کامیابی سے مقابلہ کرنے پر کشمیریوں کی جرات کو سلام پیش کرتے ہوئے کہا کہ معصوم کشمیریوں کے حق خود ارادیت کے لئے حمایت جاری رکھیں گے
COAS at LOC. No Indian misadventure shall go without a befitting response. Support to Kashmiris for their rt of self determination continues pic.twitter.com/pSiqn5aNil
— Maj Gen Asif Ghafoor (@OfficialDGISPR) June 10, 2017
انہوں نے کہا کہ پاک فوج ہر قسم کے خطرے سے نمٹنے کی بھرپور صلاحیت رکھتی ہے اور جوانوں کے بلند حوصلے اس بات کی غماز ہیں کہ دشمن ہر محاذ ہر منہ کی کھائے گا۔