The news is by your side.

Advertisement

سیاسی رہنماؤں کی جانب سے آرمی چیف کے فیصلےکا زبردست خیرمقدم

اسلام آباد / دبئی : سیاسی قائدین نے آرمی چیف کے فیصلےکا خیرمقدم کرتے ہوئے فیصلے کوقابل ستائش قراردیا ہے۔

تفصیلات کے مطابق پاکستان کی سیاسی جماعتوں کے رہنماؤں نے آرمی چیف جنرل راحیل شریف کے فیصلے کا خیرمقدم کرتے ہوئے فیصلےکو قابل ستائش قراردیا ہے.

سابق صدر آصف علی زرداری نے آرمی چیف جنرل راحیل شریف کی مدت ملازمت میں توسیع نہ لینے کے بیان کا خیر مقدم کرتے ہوئے کہا ہے کہ مدت ملازمت میں توسیع کی روایت کو جڑ نہیں پکڑنا چاہئیے۔ پاک فوج اہم ترین ادارہ ہے۔

پاکستابن تحریک انصاف کے سربراہ عمران خان نےکہا کہ سپہ سالارکےفیصلےسےفوج بحیثیت ادارہ مضبوط ہوگا۔ شاہ محمودقریشی نے کہا کہ جنرل راحیل شریف نےقومی مفاد کواہمیت دی۔

شیخ رشید کا کہنا تھا کہ آرمی چیف نے اب بال نواز شریف کےکورٹ میں ڈال دی، نون لیگ کےطلال چوہدری نےکہا کہ پاکستان اب بدلاہواملک ہے۔

اے این پی کے زاہد خان کا کہناتھا کہ جنرل راحیل کے فیصلے سے قیاس آرئیاں دم توڑ گئیں، سینیٹر نہال ہاشمی سمیت دیگر سیاسی رہنماؤں نے آرمی چیف کے فیصلے کوقابل ستائش قراردیا۔

علاوہ ازیں ڈی جی آئی ایس پی آر عاصم سلیم باجوہ کے ٹوئٹ کے بعد ملکی اور غیر ملکی میڈیا چینلز نے پاکستانی فوج کے سربراہ جنرل راحیل شریف کی مدت ملازمت پوری ہونے کے بعد ریٹائر ہونے کی خبر کو بریکنگ نیوز کے طور پر مسلسل نشر کیا۔

Comments

comments

یہ بھی پڑھیں