کراچی: ریٹائرڈ کرنل کا قتل، تحقیقات میں پیشرفت Army Officer
The news is by your side.

Advertisement

کراچی: ریٹائرڈ کرنل کا قتل، تحقیقات میں پیشرفت

کراچی: شہر قائد میں گزشتہ روز ریٹائرڈ کرنل کے قتل کی تحقیقات میں پیشرفت سامنے آئی، ابتدائی رپورٹ کے مطابق واردات میں نیا ہتھیار استعمال کیا گیا تھا۔

پولیس حکام کے مطابق ریٹائرڈ کرنل طاہر کے قتل میں استعمال ہونے والے ہتھیار کی فارنزک رپورٹ میں یہ بات سامنے آئی ہے کہ واردات میں استعمال ہونے والا ہتھیار اس سے پہلے کسی قتل میں استعمال نہیں ہوا۔

تحقیقاتی حکام کے مطابق وقوعہ سے ملنے والے نائن ایم ایم پستول کے خول ماضی میں استعمال نہیں ہوئے، تحقیقاتی حکام کا کہنا ہے کہ تفتیش  کی جارہی ہیں کہ قتل میں پرانا گروہ ملوث ہے یا کوئی نیا گروپ ہوسکتا ہے۔

پڑھیں: ’’ کراچی ، بلوچ کالونی پل کے قریب فائرنگ، ریٹائرڈ کرنل جاں بحق ‘‘

یاد رہے گزشتہ روز کراچی کے علاقے بلوچ کالونی پل کے قریب نامعلوم مسلح افراد نے ایک گاڑی پر اندھا دھند فائرنگ کی جس کے نتیجے میں ریٹائرڈ کرنل طاہر جاں بحق جبکہ دو راہگیر زخمی بھی ہوئے تھے۔

Comments

comments

یہ بھی پڑھیں