الماتے: قازقستان میں فوجی طیارہ گر کر تباہ ہوگیا جس کے نتیجے میں چار افراد ہلاک جبکہ دو زخمی ہوئے ہیں۔
بین الاقوامی میڈیا رپورٹ کے مطابق قازقستان کے شہر نورسلطان سے دارالحکومت الماتے کے لیے پرواز بھرنے والا فوجی طیارہ تکنیکی خرابی کے باعث گر کر تباہ ہوا۔
رپورٹ کے مطابق مقامی وقت کے مطابق طیارے کو حادثہ شام پانچ بج کر 20 منٹ کے بعد پیش آیا کیونکہ اُس وقت تک پائلٹ کا کنٹرول روم سے رابطہ بحال تھا۔
یہ بھی بتایا گیا ہے کہ پائلٹ نے کنٹرول روم کو تصدیق کی تھی کہ وہ رن وے پر موجود ہیں اور کچھ دیر بعد طیارے کو لینڈ کرلیں گے۔ فوجی طیارہ تباہ ہونے کی فوری وجوہات سامنے نہیں آسکیں۔
مزید پڑھیں: ترک فوج کا ہیلی کاپٹر گر کر تباہ، گیارہ فوجی شہید
یہ بھی پڑھیں: نائیجیریا میں فوجی طیارہ گر کر تباہ، 7 افراد ہلاک
مقامی میڈیا رپورٹ کے مطابق الماتے میں لینڈنگ کے طیارے کو حادثہ پیش آیا جس کے نتیجے 6 افراد زخمی ہوئے جن میں سے چار جائے وقوعہ پر ہی دم توڑ گئے۔
قازقستان کے محکمہ صحت کی جانب سے جاری ہونے والے اعلامیے میں بتایا گیا ہے کہ حادثے میں دو افراد زندہ بچ گئے ہیں جن کا انتہائی نگہداشت وارڈ میں علاج جاری ہے۔ رپورٹ کے مطابق بدقسمت طیارے میں صرف فوجی عملہ ہی موجود تھا، مرنے والوں کا تعلق بھی فوج سے ہی ہے۔
