پاک فوج کے 4میجر جنرلز کو لیفٹنٹ جنرل کے عہدے پر ترقی دیدی گئی -
The news is by your side.

Advertisement

پاک فوج کے 4میجر جنرلز کو لیفٹنٹ جنرل کے عہدے پر ترقی دیدی گئی

راولپنڈی : پاک فوج کے چار میجر جنرلز کو لیفٹنٹ جنرل کے عہدے پر ترقی دیدی گئی ہے ، ترقی پانے والوں میں ڈی جی آئی ایس پی آر اور ڈی جی ملٹری آپریشنز شامل ہیں۔

آئی ایس پی آر کے ایک ترجمان کے مطابق پاک فوج کے چار میجر جنرلز کو لیفٹنٹ جنرل کے عہدے پر ترقی دیدی گئی ہے، جن میں ڈی جی آئی ایس پی آر میجر جنرل عاصم سلیم باجوہ ، جی او سی 35انفینٹری ڈویژن میجر جنرل صادق علی ، وائس چیف آف جنرل سٹاف میجر جنرل عمر فاروق درانی اور ڈی جی ملٹری آپریشنز میجر جنرل عامر ریاض شامل ہیں۔

حکام کے مطابق ترقی پانے والے چاروں افسران جلد اپنی نئی ذمہ داریاں سنبھال لیں گے ۔

پاک فوج کے چار لیفٹنٹ جنرل آئندہ ماہ کے اوائل میں اپنی ملازمت مکمل کرکے عہدوں سے سبکدوش ہو رہے ہیں ، جن میں کور کمانڈر کوئٹہ لیفٹنٹ جنرل ناصر خان جنجوعہ ، چیف آف لاجسٹک لیفٹنٹ جنرل سید طارق ندیم گیلانی ، انسپکٹر جنرل آرمزلیفٹنٹ جنرل محمد اعجاز چوھدری اور کور کمانڈر لاہور لیفٹنٹ جنرل نوید زمان شامل ہیں۔

Comments

comments

یہ بھی پڑھیں