کراچی: ملک بھر کی طرح کراچی میں بھی آرمی ، نیوی اور ائیرفورس کے اسکول حفاظت کے تحت بند کردیے گئے ہیں۔
کراچی کے مختلف علاقوں میں آرمی پبلک اسکول ، فضائیہ انٹر اور ڈگری کالج، پی ایف مانٹیسوری ، بحریہ فاؤنڈیشن کی تمام برانچزاور بحریہ کے تمام اسکولز بند کردیے گئے ہیں، اور ان اسکولوں کے اطراف میں سیکیورٹی کے سخت انتظامات کیے گئے ہیں۔
پولیس اور رینجرز کا گشت بڑھادیا گیا ہے اس کے علاوہ کراچی میں قائم پاکستان نیول اکیڈمی، پاکستان میرین اکیڈمی پر بھی سیکیورٹی سخت کردی گئی ہے۔
سول ایوی ایشن اور کسٹم ماڈل اسکول پر بھی سیکورٹی بڑھادی گئی ہے ، سول ایوی ایشن کے ائیرپورٹ کے پاس تمام اسکولوں میں سیکیورٹی کے سخت انتظامات کیے گئے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں