army آرمی ویلفیئر ٹرسٹ کا نئی سرمایہ بچت اسکیمیں متعارف کرانے کا اعلان
The news is by your side.

Advertisement

آرمی ویلفیئر ٹرسٹ کا نئی سرمایہ بچت اسکیمیں متعارف کرانے کا اعلان

کراچی: آرمی ویلفیئر ٹرسٹ نے نئی سرمایہ بچت اسکیمیں کا متعارف کرانے کا اعلان کردیا۔ یہ اعلان آرمی ویلفیئر ٹرسٹ کے منیجنگ ڈائریکٹر ریٹائرڈ لیفٹننٹ جنرل خالد ربانی نے ڈی ایچ اے گالف کلب میں منقعد تقریب سے خطاب کرتے ہوئے کیا۔

اس موقع پر کور کمانڈر کراچی لیفٹیننٹ جنرل شاہد بیگ مرزا بھی موجود تھے، خالد ربانی نے کہا کہ آرمی ویلفیئر ٹرسٹ عوام کے لیے سرمایہ کاری کے بہترین حل پیش کرے گی جس کے پاکستان کی معیشت پر مثبت اثرات مرتب ہونگے۔

تقریب سے خطاب کرتے ہوئے کور کمانڈر کراچی لیفٹیننٹ جنرل شاہد بیگ مرزا نے آرمی ویلفیئر ٹرسٹ کی کوششوں کی تعریف کی اور کہا کہ ایسی پالیسیوں سے سرمایہ کاری کرنے والے گھرانوں کے مستقبل پر اچھے اثرات ہوں گے۔

ٹرسٹ کے چیف ایگزیکیٹو آفیسر حیدر شیخ نے کہا کہ عوام میں مالی منصوبہ بندی اور میوچل فنڈ میں سرمایہ کاری کے فوائد سے متعلق آگاہی فراہم کرنےکی ضرورت ہے۔

انہوں نے بتایا کہ شہداء بچت، ریٹائرمنٹ، بچوں کی تعلیم، مکان کی خریداری، انکم ٹیکس اور حج سے متعلق سرمایہ کاری آرمی ویلفیئر ٹرسٹ کے نئے منصوبوں میں شامل ہیں۔

آرمی ویلفیئر ٹرسٹ مسلح افواج کے شہدا کے اہل خانہ اور بیوائوں کی فلاح و بہبود کے لیے فنڈز فراہم کرتا ہے، اس کے علاوہ شہدا کے خاندان کے لیے خصوصی طور پر ’’تمہیں وطن کی ہوائیں سلام کہتی ہیں‘‘ کے نام سے بچت منصوبہ بھی فراہم کررہا ہے۔

Comments

comments

یہ بھی پڑھیں