بدھ, فروری 12, 2025
اشتہار

محرم الحرام میں ملک بھر میں فوج تعینات ہوگی، نوٹیفکیشن جاری

اشتہار

حیرت انگیز

محرم الحرام کے دوران قیام امن کے لیے ملک بھر میں سول آرمڈ فورسز اور فوج کی تعیناتی کا نوٹیفکیشن جاری کر دیا گیا ہے۔

ملک بھر میں محرم الحرام کے دوران امن وامان برقرار رکھنے کے لیے پاک فوج اور سول آرمڈ فورسز کو تعینات کیا جائے گا۔ اس حوالے سے وزارت داخلہ نے چاروں صوبوں کی درخواست منظور کر لی ہے اور تعیناتی کا نوٹیفکیشن جاری کر دیا ہے۔

نوٹیفکیشن کے مطابق فوج کو سول انتظامیہ کی مدد کے لیے تعینات کیا جا رہا ہے۔

نوٹیفکیشن میں کہا گیا ہے کہ فوج کی تعیناتی زمینی حالات کے پیش نظر کی جائے گی اور اس کا اختیار صوبوں کو ہوگا جہاں ضرورت ہو وہ فوج کو طلب کر سکیں گے۔

نوٹیفکیشن کے مطابق آزاد کشمیر اور گلگت بلتستان میں بھی فوج تعینات کی جائے گی۔

واضح رہے کہ چاروں صوبوں کی جانب سے محرم الحرام میں قیام امن کے لیے فوج اور سول آرمڈ فورسز کی تعیناتی کی درخواست کی گئی تھی۔

دوسری جانب محرم الحرام کا آغاز ہوتے ہی لاہورسمیت صوبہ بھرمیں سیکیورٹی بڑھا دی گئی ہے۔ اس سلسلے میں 43 ہزار سے زائد افسران واہلکار سیکیورٹی سر انجام دیں گے۔

آئی جی پنجاب کا کہنا ہے کہ عشرہ محرم الحرام کے دوران صوبہ بھر میں سیکیورٹی ہائی الرٹ رہے گی اور حکومت پنجاب کی طرف سے نافذ دفعہ 144 پر عملدرآمد یقینی بنایا جائے گا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں