تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ہالی ووڈ اداکار آرنلڈ شوازنیگر کی گاڑی کو خوفناک حادثہ

واشنگٹن: ہالی ووڈ کے معروف اداکار آرنلڈ شوازنیگر کی گاڑی خوفناک حادثے کا شکار ہوگئی۔

غیرملکی خبررساں ادارے کی رپورٹ کے مطابق ہالی ووڈ اداکار آرنلڈ شوازنیگر کی گاڑی کو حادثہ لاس اینجلس میں پیش آیا جس میں اداکار کی گاڑی دیگر گاڑیوں پر چڑھ گئی، حادثے میں ایک شخص زخمی ہے جبکہ اداکار محفوظ رہے ہیں۔

کیلی فورنیا کے سابق گورنر اور اداکار آرنلڈ شوازنیگر کے ترجمان نے کار حادثے کی تصدیق کردی۔

حادثے کی اطلاع ملتے ہی پولیس اور ریسکیو ٹیمیں موقع پر پہنچیں اور حادثے کے زخمی کو اسپتال منتقل کیا، زخمی کی حالت خطرے سے باہر بتائی جارہی ہے۔

Arnold Schwarzenegger involved in a car accident - ABTC

تصاویر میں دیکھا جاسکتا ہے کہ ایک بڑی ایس یو وی گاڑی دو گاڑیوں کے اوپر چڑھی ہوئی ہے، مزید تصاویر میں آرنلڈ کو گاڑی سے اتر کر دیگر متاثرہ افراد سے گفتگو کرتے ہوئے دیکھا جاسکتا ہے۔

Arnold Schwarzenegger involved in car accident | MENAFN.COM

آرنلڈ کے ترجمان بتایا کہ جب حادثہ پیش آیا اس وقت وہ ایس یو وی کار چلارہے تھے، آرنلڈ بالکل ٹھیک ہیں اور حادثے کے بعد انہوں نے ریسکیو ادارے کو کال کی اور زخمی سے بات چیت بھی کی۔

پولیس کا کہنا ہے کہ حادثے کے حوالے سے کوئی گرفتاری عمل میں نہیں آئی، پولیس نے واقعے میں منشیات اور شراب شامل ہونےکو خارج از امکان قرار دیا ہے تاہم حادثے کی تحقیقات کی جارہی ہیں۔

Comments

- Advertisement -