لاس اینجلس: ہالی وڈ کے ایکشن ہیرو آرنلڈ شوارتزنگر نے روس کے صدر ولادیمیر پیوٹن اور روسی عوام کے لیے اہم ویڈیو پیغام جاری کردیا ہے۔
سماجی رابطے کی ویب سائٹ ٹوئٹر پر آرنلڈ شوارتزنگر نے ویڈیو میں روسی عوام کو مخاطب کرتے ہوئے کہا کہ آپ لوگوں کو یوکرین کے خلاف جنگ کے بارے میں مسلسل غلط معلومات فراہم کی ج رہی ہیں۔
اداکار نے صدر پیوٹن پر الزام عائد کیا کہ وہ اپنے عزائم کے لیے روسی فوجیوں کی جانیں قربان کر رہے ہیں۔
نو منٹ پر مشتمل ویڈیو میں آرنلڈ شوارتزنگر نے کہا کہ روسی فوجیوں کو بتایا گیا کہ وہ یوکرین میں نازیوں سے لڑیں گے، یوکرین میں روسیوں کی حفاظت کریں گے یا فوجی مشقوں کے لیے جا رہے ہیں، بہت سے فوجی اب جا چکے ہیں کہ وہ دعوے غلط تھے۔
I love the Russian people. That is why I have to tell you the truth. Please watch and share. pic.twitter.com/6gyVRhgpFV
— Arnold (@Schwarzenegger) March 17, 2022
انہوں نے کہا کہ یہ ایک غیر قانونی جنگ ہے، آپ کی جانیں، آپ کے اعضا، آپ کا مستقبل ایک ایسی جنگ کے لیے قربان ہو رہا ہے جس کی پوری دنیا نے مذمت کی ہے۔
اداکار نے یہ ویڈیو ٹوئٹر، یوٹیوب اور انسٹا گرام پر پوسٹ کی جس میں کچھ سروسز روس میں بلاک ہیں۔
خیال رہے کہ آرنلڈ شوارتزنگر روس میں کافی مقبول ہیں۔ ولادیمیر پیوٹن کے ٹویٹر اکاؤنٹ نے صرف 22 لوگوں فالو کر رکھا ہے، ان لوگوں میں آنلڈ بھی شامل ہیں۔
