The news is by your side.

Advertisement

پہلی پاکستانی گلوکارہ عروج آفتاب کی تصویر ٹائمز اسکوائر پر آویزاں

نیو یارک: پاکستانی گلوکارہ عروج آفتاب کی تصویر کو نیو یارک کے مشہور ٹائمز اسکوائر پر آویزاں کر دیا گیا۔

فوٹو اینڈ ویڈیو شیئرنگ ایپلی کیشن انسٹا گرام پر عروج آفتاب نے تصویر شیئر کی ہے جس میں گلوکارہ کی تصویر کو ٹائمز اسکوائر پر دیکھا جا سکتا ہے۔

واضح رہے کہ عروج آفتاب ٹائمز اسکوائر پر جگہ بنانے والی پہلی پاکستانی اداکارہ ہیں۔ گلوکارہ کی تصویر پر مداحوں سمیت فنکار بھی انہیں مبارکباد دے رہے ہیں۔

 

View this post on Instagram

 

A post shared by Arooj Aftab (@aroojaftabmusic)

عروج آفتاب کو گزشتہ سال دنیائے موسیقی کے اعلیٰ ترین گریمی ایوارڈ کے لیے نامزد کیا گیا تھا۔ وہ پہلا موقع تھا جب کسی پاکستانی گلوکارہ کو 2 کیٹیگریز میں نامزد کیا گیا۔

عروج آفتاب کو بیسٹ گلوبل میوزک پرفارمنس اور بیسٹ نیو آرٹسٹ کی کیٹیگریز میں نامزد کیا گیا تھا۔ حیران کن طور پر اُس بار لیڈی گاگا اور ٹیلر سوئفٹ جیسی گلوکارائیں زیادہ نامزدگیاں حاصل نہیں کر سکی تھیں۔

عروج آفتاب کی غزل کو سابق امریکی صدر بارک اوباما نے بھی اپنی پسندیدہ گانوں میں شمار کیا تھا۔

بیسٹ نیو آرٹسٹ (بہترین نئے گلوکارہ) کے علاوہ ان کا گانا ”محبت“ بیسٹ گلوبل میوزک پرفارمنس (عالمی سطح پر بہترین کارکردگی) کے ایوارڈ کے لیے نامزد کیا گیا تھا۔

عروج آفتاب 37 سالہ پاکستانی خاتون گلوکارہ ہیں جن کی پیدائش سعودی عرب میں ہوئی لیکن والدین کے ساتھ وطن آکر لاہور سے اپنی موسیقی کا آغاز کیا اور امریکا کے برکلے کالج آف میوزک سے تعلیم حاصل کی۔

Comments

یہ بھی پڑھیں