site
stats
سندھ

سرجانی ٹاؤن سے سنگین وارداتوں میں ملوث ٹارگٹ کلر گرفتار

drug dealers

کراچی : ایس آئی یو نے سرجانی ٹاؤن خدا کی بستی میں آپریشن کرکے ٹارگٹ کلر کو گرفتار کرلیا، ملزم مظہرعباس بینک ڈکیتی،بھتہ اورسنگین جرائم میں ملوث ہے۔

تفصیلات کے مطابق اسپیشل انویسٹی گیشن یونٹ (ایس آئی یو)نے خفیہ اطلاع پر سرجانی ٹاؤن کے علاقے خدا کی بستی میں چھاپہ مارا، کارروائی میں بینک ڈکیتی،بھتہ اورسنگین جرائم میں ملوث ملزم مظہرعباس کو گرفتار کرلیا۔

پولیس کے مطابق ٹارگٹ کلر کے قبضے سے کلاشنکوف اور دستی بم برآمد ہوا ہے، اس حوالے سے ایس ایس پی طارق دھاریجو نے صحافیوں کو بتایا کہ ٹارگٹ کلر مظہرعباس نے2010میں سی ویو پر30لاکھ کی بینک ڈکیتی کی۔

ملزم نے تیموریہ میں دوران بینک ڈکیتی گارڈ کو بھی قتل کیا، اس کے علاوہ گرفتار ملزم نے عوامی نیشنل پارٹی کےکارکن کوبھی قتل کیا۔

طارق دھاریجو کا کہنا تھا کہ ملزم مظہر عباس خیبر پختونخوا پارا چنار کا رہائشی ہے، ملزم کے دیگرساتھی بینک ڈکیتیوں کے کیس میں مفرور ہیں۔

گینگ کاسربراہ جلال پٹھان بھی پارا چنار کا رہائشی ہے، ایس ایس پی کے مطابق ملزم مظہر عباس کےمتعدد ساتھی پولیس مقابلوں میں مارے جاچکے ہیں، ملزم پہلےبھی گرفتارہو کر جیل جا چکا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top