The news is by your side.

ارشد شریف کیس: پمز اسپتال کے ماہرین کی ایک اور ٹیم تشکیل

اسلام آباد: ارشد شریف کیس کے لیے پمز اسپتال کے ماہرین کی ایک اور ٹیم تشکیل دے دی گئی ہے۔

تفصیلات کے مطابق پمز اسپتال کے شعبہ ریڈیالوجی کے 7 ماہرین کی میڈیکل کمیٹی تشکیل دی گئی ہے، جو شہید ارشد شریف کی ٹیسٹ رپورٹس تیار کرے گی۔

ذرائع کے مطابق شعبہ ریڈیالوجی کی یہ کمیٹی ٹیسٹ رپورٹس کی بنیاد پر اپنے سفارشات تیار کرے گی، جنھیں بعد ازاں مرکزی میڈیکل بورڈ کو بھیجا جائے گا۔

ذرائع کا کہنا ہے کہ ڈاکٹر عائشہ شعبہ ریڈیالوجی کے خصوصی میڈیکل بورڈ کی سربراہ مقرر کی گئی ہیں، جب کہ ڈاکٹر مجاہد رضا، ڈاکٹر عالیہ احمد، ڈاکٹر زکیہ شاہ، کنسلٹنٹ ریڈیالوجسٹ غزالہ ملک، ڈاکٹر ثمینہ، اور ڈاکٹر سارہ کو بورڈ میں شامل کیا گیا ہے۔

ارشد شریف کو کس نے ملک چھوڑنے پر مجبور کیا اور رابطے میں رہنے والے لوگ کون تھے ؟ ڈی جی آئی ایس پی آر نے سوالات اٹھادیئے

پوسٹ مارٹم رپورٹ کی تیاری کے لیے میڈیکل بورڈ کا اجلاس آج ہوگا، جس کے لیے 8 رکنی میڈیکل بورڈ قائم کیا گیا ہے، یہ بورڈ ابتدائی پوسٹ مارٹم رپورٹ آج تیار کرے گی۔

Comments

یہ بھی پڑھیں