The news is by your side.

Advertisement

ارشد وارثی کا اپنے کردار ’سرکٹ‘ سے متعلق حیران کُن انکشاف

بالی ووڈ کے معروف اداکار ارشد وارثی نے اپنے مزاحیہ کردار ’سرکٹ‘ سے متعلق حیران کن انکشاف کردیا۔

بالی ووڈ اداکار ارشد وارثی گزشتہ دنوں نئی فلم ’بچن پانڈے‘ کی تشہیر میں مصروف تھے، فلم آج ریلیز کی گئی ہے جس میں اکشے کمار، جیکولین فرنینڈس بھی شامل ہیں۔

بھارتی میڈیا کو انٹرویو دیتے ہوئے ارشد وارثی نے فلم بچن پانڈے سمیت اپنی ماضی کی فلموں پر گفتگو کی۔

ارشد وارثی نے کہا کہ بطور معاون اداکار میرے لیے یہ انتہائی اہم ہے کہ فلم کا مرکزی کردار کون نبھا رہا ہے، یہی وجہ ہے کہ 2003 کی فلم منا بھائی ایم بی بی ایس میں اداکاری کے لیے راضی ہوا۔

انہوں نے اعتراف کیا کہ میں سرکٹ کے کردار کے لیے اسی لیے راضی ہوا کیونکہ فلم کے ہیرو سنجے دت تھے ورنہ یہ کردار بیوقوفوں والا تھا۔

ارشد وارثی نے کہا کہ اس بات کا علم راج کمار ہیرانی کو خود بھی تھا کہ سرکٹ کا کردار صرف کاغذ کے پرچے تک ہی اچھا لگ سکتا ہے لیکن خوش قسمتی سے اسے کافی پذیرائی ملی۔

فلم بچن پانڈے میں اکشے کمار کے ساتھ کام کرنے کے تجربہ کو ارشد نے یادگار قرار دیا اور کہا کہ میں انہیں بطور انسان کافی پسند کرتا ہوں، وہ اپنے کام کے لیے انتہائی سنجیدہ ہیں، جب آپ ان سے ذاتی طور پر ملتے ہیں تب پتا چلتا ہے کہ اکشے کیسے انسان ہیں۔

ارشد وارثی کا کہنا تھا کہ اکشے کے اچھے انسان ہونے اور محنت کی وجہ سے ہر کوئی انہیں اب بھی اپنی فلموں میں کاسٹ کرنا چاہتا ہے۔

Comments

یہ بھی پڑھیں