The news is by your side.

Advertisement

آرٹیکل 370 : بھارت نے شملہ معاہدے کی خلاف ورزی کی ہے، سراج الحق

اسلام آباد : جماعت اسلامی کے امیر سینیٹر سراج الحق نے کہا ہے کہ بھارت نے آئین میں سے آرٹیکل 370 کو ختم کرکے شملہ معاہدے کی خلاف ورزی کی ہے، کسی بھی جنگ کو لڑنے کے لیے ایٹم بم سے زیادہ قومی اتحاد کی ضرورت ہوتی ہے۔

ان خیالات کا اظہار انہوں نے پارلیمنٹ کی قومی سلامتی کمیٹی کے اجلاس کے بعد صحافیوں سے غیر رسمی گفتگو کرتے ہوئے کیا۔

انہوں نے کہا کہ بھارت نے شملہ معاہدے کی خلاف ورزی کی ہے، ایک سوال کے جواب میں ان کا کہنا تھا کہ ہم نے تجویز دی ہے کہ مشترکہ اجلاس اور بین الاقوامی کانفرنس بلوانی چاہیے۔

ہم جنگ کے لیے تیار ہوں یا نہ ہوں بھارت بالکل تیار ہے ،لگتا ہے انڈیا آزاد کشمیر پر ثالثی کروانا چاہتا ہے۔ انہوں نے مزید کہا کہ مقبوضہ کشمیر تو بھارت ہڑپ کرگیا۔

پاکستانی حکومت اور فوج کے پاس آپشن کھلے ہیں ،جنگ کو روکنے کے لیے بھی جنگ کی تیاری کرنا پڑتی ہے۔ انہوں نے کہا کہ کسی بھی جنگ کو لڑنے کے لیے ایٹم بم سے زیادہ قومی اتحاد کی ضرورت ہوتی ہے۔ حکومت نے قومی یکجہتی کو خود سبوتاز کیا ہے۔

Comments

comments

یہ بھی پڑھیں