The news is by your side.

Advertisement

آرٹیکل 370 کی منسوخی، پارلیمنٹ کا مشترکہ اجلاس آج ہوگا

اسلام آباد: بھارت کی جانب سے مقبوضہ کشمیر کی خصوصی حیثیت ختم کرنے اور کنٹرول لائن کی صورت حال پر غور کے لیے پارلیمنٹ کا مشترکہ اجلاس آج ہوگا۔

تفصیلات کے مطابق قومی اسمبلی کے اسپیکر اسد قیصر کی زیرصدارت ہونے والے اجلاس میں بھارت کی جانب سے مبقوضہ کشمیر سے متعلق خصوصی آرٹیکل 370 کے خاتمے کے اعلان کا جائزہ لیا جائے گا۔

اجلاس میں بھارت کی لائن آف کنٹرول کی مسلسل خلاف ورزی پر بات ہوگی جبکہ ممنوع کلسٹر بم کے استعمال پر بھی تبادلہ خیال کیا جائے گا۔

وزیر اعظم عمران خان تازہ ترین صورت حال سمیت اپنے دورہ امریکا پر اظہار خیال کریں گے، آج ہونے والے اجلاس میں کشمیر سے متعلق اہم فیصلے متوقع ہیں۔

بھارت نےمقبوضہ کشمیرکی خصوصی حیثیت ختم کردی

اجلاس آج صبح 11 بجے پارلیمنٹ ہاؤس میں ہوگا۔ خیال رہے بلاول بھٹو زرداری سمیت دیگر رہنماؤں نے مقبوضہ کشمیر کی صورتحال پر پارلیمنٹ کا مشترکہ اجلاس بلانے کا مطالبہ کیا تھا۔

یاد رہے بھارتی پارلیمنٹ کے اجلاس میں بھارتی وزیرداخلہ نے آرٹیکل 370 ختم کرنے کا بل پیش کیا، تجویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے۔

بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کرکے اختیارات کونسل آف منسٹرز کو دے دیئے، جس کے بعد مقبوضہ کشمیر کی خصوصی حیثیت ختم ہوگئی۔

Comments

comments

یہ بھی پڑھیں