کراچی، یوسی کونسل کے نو منتخب ممبران کو آرٹس کونسل کل استقبالیہ دے گی -
The news is by your side.

Advertisement

کراچی، یوسی کونسل کے نو منتخب ممبران کو آرٹس کونسل کل استقبالیہ دے گی

کراچی: کراچی کے نو منتخب یوسیز چیئرمین اور وائس چیئرمین کے اعزاز میں کراچی آرٹس کو نسل آف پاکستان کی انتظامیہ کی جانب سے کل 4 جون بروز ہفتہ شام 6 بجے آرٹس کونسل کے آڈیٹوریم میں ایک استقبالیہ دیا جائے گا۔

تفصیلات کے مطابق کل شام 6 بجے آرٹس کونسل میں کراچی سے نو منتخب چیئرمین اور وائس چیئرمین برائے یونین کونسلز کے اعزاز میں آرٹس کونسل کی انتظامیہ ایک استقبالیے کا اہتمام کر رہی ہے،استقبالیے میں شہر کی صورت حال پر تبادلہ خیال بھی کیا جائے گا۔

یونین کونسلز کے نومنتخب نمائندوں کے استقبالیے میں شہر کی ممتاز سماجی شخصیات،تجزیہ نگار اور صحافیوں سمیت شہری اداروں سے تعلق رکھنے والے سابقہ افسران بھی شرکت کریں گے اور شہر کی صفائی، ٹریفک کے نظام کے انتظامات کے حوالے سے منتخب نمائندوں سے بات چیت کریں گے اور تجاویزات پیش کریں گے۔

آرٹس کونسل کی انتظامیہ کے مطابق تقریب کا ایجنڈا شہری نمائندوں سے روابط کو استوار کرنا اور کراچی کی صورتحال کو بہتر بنانے میں اپنا کردار ادا کر نا ہے۔

Comments

comments

یہ بھی پڑھیں