کراچی: اے آروائی کیٹل فارم کا افتتاح کردیا گیا ہے، پہلے دن مختلف تعلیمی اداروں کے طلبہ نے کیٹل فارم کا وزٹ کیا اور بین الاقوامی معیار کے انتظامات دیکھ کر تعریف کیے بغیر نہ رہ سکے۔
تفصیلات کے مطابق اے آروائی کیٹل فارم کے افتتاح کے موقع پر میوزیکل پروگرام اور میجک شو کا اہتمام کیا گیا تھا، پہلے دن آنے والے افراد پہلے تو شو سے محضوظ ہوئے اس کے بعد خوبصورت اور صحت مند جانوروں کے ساتھ سیلفیاں بناتے رہے۔
اے آروائی کیٹل فارم میں جانوروں کی نگہد اشت کا انتظام بین الاقوامی معیار کے مطابق کیا گیا ہے ، ماہر ڈاکٹرز اور مویشیوں کی دیکھ بھال کے ایکسپرٹ یہاں جانوروں کی دیکھ بھال کررہے ہیں۔
قربانی کے لیے یہاں رکھے گئے جانوروں میں اسلامی اور حفظانِ صحت کے اصولوں کا بھرپور خیال رکھا گیا ہے اور شرعی اصولوں کے مطابق قربانی کا انتظام کیا گیا ہے جس سے عید ِ قرباں پر جانور خریدنے سے لے کر اسے ذبح کرنے تک کے کئی مسائل ایک ہی چھت کے نیچے حل ہوجائیں گے اور فرزندانِ توحید بغیر کسی فکر کے قربانی کا مقدس فریضہ ادا کرسکیں گے۔
اے آروائی کیٹل فارم پر آنے والے طلبہ و طالبات نے اس موقع پر بے پناہ خوشی کا اظہار کیا ، بالخصوص طالبات کا کہنا تھا کہ یہاں مکمل محفوظ اور فیملی ماحول مہیا کیا گیا ہے جس کے سبب ہمارا یہاں آنا ممکن ہوا ہے، ورنہ ہم بے پناہ خواہش کے باوجود بھی روایتی مویشی منڈی جانے سے قاصر تھے۔
انہوں نے مزید کہا کہ یہ بہت عمدہ حفاظتی انتظامات کئے گئے ہیں جن کے سبب ہمارا یہاں آنا ممکن ہوسکا ہے ، اور صفائی کا بھی بے پناہ خیال رکھا گیا ہے، طالبات کا کہنا تھا کہ وہ اپنے دوستوں اور رشتے داروں کو بھی مشورہ دیں گی کہ قربانی کا جانور خریدنے سے پہلے ایک بار اے آروائی کیٹل فارم کا چکر ضرور لگایا جائے۔
