کراچی : پی ایس ایل کی ٹیم کراچی کنگز کے مالک سلمان اقبال نے سیزن فور کے فائنل میں نہ پہچنے پر مداحوں سے معافی مانگ لی، ان کا کہنا ہے کہ آئندہ سال نئے عزم کے ساتھ میدان میں اتریں گے۔
تفصیلات کے مطابقکراچی کنگز کے مالک سلمان اقبال نے ٹیم کے فائنل میں نہ پہنچنے پر اپنے پیغام میں کہا ہے کہ شکست ہر کراچی کنگز کے پرستاروں کو مایوسی ہوئی اس پر معذرت چاہتا ہوں۔
یہ بات انہوں نے سماجی رابطے کی ویب سائٹ ٹوئٹر پر اسلام آباد یونائیٹڈ کے ہاتھوں کراچی کنگز کی شکست کے بعد اپنے پیغام میں کہی۔
I am sorry #Karachi … @KarachiKingsARY disappointed the fans again!! But I still believe #pakistan is the winner here. Well played @IsbUnited .. till next year
— Salman Iqbal ARY (@Salman_ARY) March 14, 2019
سلمان اقبال کا مزید کہنا تھا کہ اسلام آباد یونائیٹڈ نے بہتر کھیل کا مظاہرہ کیا، کراچی کنگز کی ٹیم پی ایس ایل سے باہر ہوگئی لیکن مجھے پورا یقین ہے کہ جیت پاکستان کی ہوئی، پی ایس ایل کے اگلے سیزن میں نئے عزم کے ساتھ میدان میں اتریں گے۔
واضح رہے کہ پی ایس ایل سیزن فور کے ایلیمینیٹر میچ میں کراچی کنگز کو سخت مقابلے کے بعد اسلام آباد یونائیٹڈ کے ہاتھوں چار وکٹوں سے شکست کا سامنا کرنا پڑا۔
کراچی کنگز نے پہلے بیٹنگ کرتے ہوئے مقررہ 20 اوورز میں نو وکٹوں کے نقصان پر161رنز بنائے تھے ۔اسلام آباد یونائیٹڈ نے 162 رنز کا ہدف تین گیندیں پہلے ہی 6 وکٹوں کے نقصان پر حاصل کیا۔
