ابوظبی : اماراتی ریاست دبئی میں اے آر وائی دیسی اینڈ مور ریسٹورنٹ کا افتتاح ہوگیا جس میں بریانی اور نہاری سمیت تمام لزیذ کھانے دستیاب ہوں گے۔
اے آر وائی گروپ کی جانب سے متحدہ عرب امارات کی ریاست دبئی میں مقیم پاکستانیوں، سیاحت کےلیے ہم وطنوں اور غیر ملکی عوام کی سہولت کے لیے ایسے ریسٹورنٹ کا افتتاح کیا گیا ہے جہاں تمام اقسام کے کھانے پیش کیے جائیں گے۔
افتتاحی تقریب میں اے آر وائی کے چیئرمین صدر محمد اقبال اور صدر و سی ای او سلمان اقبال بھی شریک تھے۔
ذرائع کا کہنا ہے کہ دیسی اینڈ مور ریسٹورنٹ میں بریانی اور نہاری سے لے کر پاستا سمیت تمام ملکی و غیر ملکی کھانے دستیاب ہوں گے۔
صدر و سی ای او سلمان اقبال کی جانب سے 100 درہم خرچ کرنے والے سہولت کارڈ ہولڈرز کو 100 لوائلٹی کوئن، پی ایس ایل ٹکٹ اور اے آر وائی جیولرز پر 50 فیصدر ڈسکاؤنٹ دینے کا اعلان کیا گیا ہے۔
افتتاح کے موقع پر ریسٹورنٹ میں کھانا تناول کرنے والے افراد کا کہنا تھا کہ دیسی اینڈ مور میں بہت لذیز اور بہترین کھانے رکھے گئے ہیں جس کی تعریف بیان سے باہر ہے۔
