The news is by your side.

Advertisement

پاکستان کا نام روشن کرنے کے لیے کام کرتے رہیں گے، سلمان اقبال

کراچی: اے آر وائی نیٹ ورک کے صدر اور چیف ایگزیکٹیو آفیسر (سی ای او) سلمان اقبال نے پاکستان کے سب بڑے رئیل اسٹیٹ پروجیکٹ لانچ کرنے کا اعلان کرتے ہوئے کہا ہے کہ مستقبل میں بھی پاکستان کا نام روشن کرنے کیلئے کام کرتے رہیں گے۔

نامور برطانوی صحافی کرن رائے نے اے آر وائی نیٹ ورک کے صدر کو سال 2020 کے 400 بااثر افراد کی فہرست میں شامل ہونے پر مبارک باد پیش کی اور اُن سے خصوصی انٹرویو کیا۔

کرن رائے نے سلمان اقبال کو مبارک باد پیش کرتے ہوئے اُن کی خدمات کا اعتراف کیا۔

صحافی کے سوال کا جواب دیتے ہوئے اے آر وائی نیٹ ورک کے صدر کا کہنا تھا کہ پاکستان کی تعمیر و ترقی کے لیے اسی طرح کام کرتے رہیں گے۔ اُن کا کہنا تھا کہ کرونا کی وبا سے دنیا کو بہت کچھ سیکھنا ہوگا۔

انٹرویو کے دوران اے آر وائی نیٹ ورک کے سی ای او نے پاکستان کے سب سے بڑے رئیل اسٹیٹ پروجیکٹ اے آر وائی لگونا لانچ کرنے کا بھی اعلان کیا۔

سلمان اقبال نے انٹرویو میں ایک بار پھر ملک کی خدمت کا عزم دہراتے ہوئے کہا کہ ’پاکستان کا نام روشن کرنے کے لیے مستقبل میں بھی ایسے کاموں کے سلسلے کو جاری رکھیں گے‘۔

واضح رہے کہ کرن رائے کا شمار برطانیہ کے اُن نامور صحافیوں میں ہوتا ہے جنہوں نے بالی ووڈ سے ہالی ووڈ اور کرکٹ اسٹارز کے انٹرویوز کر کے میڈیا انڈسٹری میں اپنا بلند مقام بنایا۔

Comments

یہ بھی پڑھیں