The news is by your side.

Advertisement

اے آروائی نیٹ ورک ریکٹ بینکسرکی’ہوگا صاف پاکستان‘ مہم کا میڈیا پارٹنربن گیا

کراچی: ریکٹ بینکسراپنے سوشل آؤٹ ریچ پروگرام کے تحت وفاقی حکومت کی کلین اینڈ گرین مہم میں متحرک کردار ادا کرتے ہوئے’ہوگا صاف پاکستان مہم‘ چلا رہا ہے، اے آروئی ڈیجیٹل نیٹ ورک اس مہم میں بطور آفیشل میڈیا پارٹنر شریک ہے۔

تفصیلات کے مطابق ٹی سی ایف کے دفتر میں ایک تقریب منعقد ہوئی جس میں ریکیٹ بینکسر کے چیف ایگزیکیٹو فہد اشرف ،اے آر وائی ڈیجیٹل نیٹ ورک کےجرجیس سیجا اور وزیراعظم کے مشیر برائے ماحولیات ملک امین اسلم نے مشترکہ پریس کانفرنس میں صف اول کے میڈیا ہاؤس اے آر وائے ڈیجیٹل نیٹ ورک کے آفیشل میڈیا پارٹنر کے طور پر منسلک ہونے کا اعلان کیا۔

گذشتہ ہفتے ریکیٹ بینکسر نے ’ہوگا صاف پاکستان‘ پروگرام کے لئے ایک ارب روپے کا اعلان کیا تھا۔یہ پروگرام تین چیزوں پر مبنی ہوگا جن میں پرسنل ہائیجین، ٹوائلٹ ہائیجین اور ویسٹ ڈسپوزل شامل ہوں گے۔

اس پروگرام کے ذریعے کمپنی بیس لاکھ اسکول جانے والے بچوں تک رسائی حاصل کرنے کا عزم رکھتی ہے، جو ہائیجین آگہی پروگرام سے مستفید ہوں گے ۔ پندرہ لاکھ گھریلو افراد کو ٹوائلٹ ہائیجین پر تربیت فراہم کی جائے گی جبکہ اس پروگرام کے تحت اس سال کے آخر تک پانچ سو دیہاتوں کو اوپن ڈیفیکشن فری قرار دیا جائے گا۔

اے آر وائی نیٹ ورک کی مقبولیت کے ذریعے اس تحریک کو ملک کے کونے کونے تک پھیلایا جائے گا۔ اے آر وائی کے ساتھ مل کر ملک بھر میں صفائی اور شجرکاری مہم کا انعقاد بھی کیا جائیگا جس کے ذریعے نوجوانوں کو انگیج کر کے ملک میں صفائی کے کلچر کو فروغ دیا جائےگا۔

ریکیٹ بینکسر کے چیف ایگزیکیٹو فہد اشرف نے اس موقع پر اظہار خیال کرتے ہوئے کہا کہ ا ن کا ادارہ ایک صاف، صحت مند اور خوشحال پاکستان کے قیام کے لئے کوشاں ہے۔ ملک کے صفِ اول کے میڈیا نیٹ ورک اور وزارتِ ماحولیاتی تبدیلی کی اس مہم میں شمولیت سے اس پیغام کو ہر پاکستانی تک لے جانے میں بھرپور مدد ملے گی کیونکہ ہمارا وژن ہے کہ ’’ مل کے لگائیں گے جان، تو ہوگا صاف پاکستان‘‘۔

اس موقع پر صدر اے آر وائے ڈیجیٹل نیٹ ورک سلمان اقبال نے اپنے پیغام میں کہا ہے کہ ریکیٹ بینکسر کی مہم ملک کی بہتری کی خاطر ایک انتہائی مثبت اقدام ہے اور اے آروائے ڈیجیٹل نیٹ ورک کے لئے یہ باعث فخر ہے کہ وہ بھی اس مہم کا حصہ بن گیا ہے۔ ہم اس مہم میں بھرپور انداز سے تعاون کا یقین دلاتے ہیں کیونکہ ہم نے ہمیشہ ایک بہتر اور خوشحال پاکستان کے لئے جدوجہد کی ہے اور کرتے رہیں گے۔

Comments

comments

یہ بھی پڑھیں