اے آر وائی نیوز پر حملہ، اے آر وائی نیوز کا برطانوی حکومت کو خط -
The news is by your side.

Advertisement

اے آر وائی نیوز پر حملہ، اے آر وائی نیوز کا برطانوی حکومت کو خط

کراچی : اے آر وائی نیوز پر ایم کیو ایم کے مسلح افراد کا حملے پر اے آر وائی نیوز نے برطانوی حکومت سے کئی اہم سوالات اٹھا دیئے ہیں۔

تفصیلات کے مطابقاے آر وائی نیوز پر ایم کیو ایم کے مسلح افراد کے حملے کے بعد اے آر وائی نیوز نے برطانوی حکومت کو خط لکھ دیا،خط میں کہا گیا ہے کہ قائد ایم کیو ایم برطانوی شہری ہیں اور حکومت پاکستان نے قائد ایم کیو ایم کی تقاریر نشر کرنے پر پابندی لگا رکھی ہے۔

خط کے متن کے مطابق قائد ایم کیو ایم نے خطاب میں اپنے کارکنوں کو میڈیا ہاؤسز پر حملے پر اکسایا، قائد ایم کیو ایم کی تقریر ختم ہوتے ہی مسلح افراد نے اے آر وائی نیوز پر دھاوا بول دیا۔

خط کے متن میں کہا گیا ہے کہ اے آر وائی نیوز برطانوی حکام سے جواب مانگنے کا مجازہے۔

خط میں سوال کیا گیا کہ کیا برطانوی حکام کو قائد ایم کیو ایم کی اشتعال انگیز تقریر کا علم تھا ؟ قائد ایم کیو ایم کی تقریر صرف میڈیا ہاؤسز نہیں، میڈیا کارکنان اور ان کے خاندانوں پر بھی حملہ تھی ، کیا اسکاٹ لینڈ یارڈ اس عمل پر کوئی ایکشن لے گا؟

کیا لندن میں بیٹھ کر پاکستان میں اپنے کارکنوں کو تشدد پر اکسانے والے کو روکا جائے گا؟

خط کے آخر میں لکھا گیا کہ اے آر وائی نیوز ان سوالوں کے فوری جواب کا منتظر ہے۔

Comments

comments

یہ بھی پڑھیں