ڈپٹی انسپکٹر جنرل جیل سکھر نے اے آر وائی نیوز کی خبر پر ایکشن لیتے ہوئے محکمہ جیل کے پولیس اہلکار کی چھٹی منظور کرتے ہوئے ہیڈ محرر کے خلاف کارروائی کی یقین دہانی کروا دی۔
تفصیلات کے مطابق سندھ کے شہر گھوٹکی میں محکمہ جیل کے پولیس اہلکار نے افسران کی مبینہ ناانصافی کے خلاف چیخ و پکار کی اور جیل کے گیٹ پر بچوں کو فروخت کرنے کے لیے آوازیں لگا رہا تھا۔
پولیس اہلکار کے احتجاجاً بچے فروخت کرنے کی ویڈیو اے آر وائی نیوز پر نشر ہوتے ہی ڈی آئی جی جیل خاجات راجہ ممتاز نے اہلکار کے احتجاج کا نوٹس لیا اور اہلکار بچے کے علاج کےلیے مالی معاونت اور ہیڈمحرر کے خلاف کارروائی کرنے کی یقین دہانی کرائی۔
ڈی آئی جی جیل سکھر کا کہنا تھا کہ محکمہ جیل کے پولیس اہلکار کو چھٹی دے دی گئی ہے اور جیل سپریٹنڈنٹ سے واقعے کی رپورٹ بھی طلب کی ہے۔
واضح رہے کہ بچے کے علاج کےلیے چھٹی نہ ملنے اور رشوت طلبی کے خلاف پولیسو اہلکار نے احتجاج ریکارڈ کرایا تھا۔
پولیس اہلکار بچے فروخت کرنے جیل کے گیٹ پر پہنچ گیا
پولیس اہلکار نثار لاشاری کا کہنا تھا کہ جیل کے افسران کی زیادتیوں نے بچے فروخت کرنے پر مجبور کردیا۔
پولیس اہلکار کا کہنا تھا کہ 17 نومبر کو بچے کا گمبٹ کے اسپتال میں آپریشن ہے، چھٹی کے لیے ہیڈ محرر کی جانب سے 20 ہزار روپے رشوت مانگی گئی، ہیڈ محرر عزیز نے رشوت نہ دینے پر لاڑکانہ جیل تبادلہ کرادیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں