حکمرانوں نے بڑے منصوبوں سے بڑی کرپشن کی، عمران خان -
The news is by your side.

Advertisement

حکمرانوں نے بڑے منصوبوں سے بڑی کرپشن کی، عمران خان

اسلام آباد : پاکستان تحریک انصاف کے چیئرمین عمران خان نے کہا ہے کہ حکمرانوں نے بڑے منصوبوں کے ذریعے بڑی کرپشن کی، وزیراعظم خود کو بچانے کے لیے سب کو بچا رہے ہیں، میگا کرپشن کے خلاف موجودہ چیئرمین نیب کچھ بھی نہیں کرے گا۔

ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا، عمران خان نے کہا کہ پاکستان کا مستقبل بدل رہا ہے، ملک وہ بننےجارہا ہےجو ہم دیکھنا چاہتے تھے، جو چیزیں سپریم کورٹ میں آگئی ہیں ان سےعوام میں شعور پیدا ہوا ہے۔

چیئرمین پی ٹی آئی کا کہناتھا کہ حکمران پہلی دفعہ پھنس گئے ہیں، نوازشریف سمجھتے تھے کہ جیسا پہلے ہوتا رہا ہے اب بھی ویسا ہی ہوگا لیکن پاکستان میں کبھی بھی کسی اس طرح چیف ایگزیکٹو کی تلاشی نہیں لی گئی۔

ایک سوال کے جواب میں انکا کہنا تھا کہ وزیراعظم خود کو بچانے کے لیے سب کو بچا رہے ہیں اور ایف بی آر وزیراعظم کو بچانےکے لیےدستاویزبنارہا ہے، حکمرانوں نےبڑے منصوبوں کے ذریعےبڑی کرپشن کی، کرپشن کی قیمت عوام ادا کرتے ہیں، تمام منصوبوں میں حکمران پیسہ بناتےہیں یہ اس میں ماہرہیں۔

کسی نے اتنی تیزی سے پیسہ نہیں بنایا جتنا موجودہ حکمرانوں نےبنایا، موجودہ نیب چیئرمین حکمرانوں کے میگا کرپشن کےخلاف تحقیقات نہیں کرے گا۔

حکمرانوں نے 6 ارب کے قرضے واپس کرنے تھے پھر بھیانہوں نے انتکاب لڑا جبکہ عام آدمی 20 لاکھ روپے کا نادہندہ ہو تو الیکشن نہیں لڑسکتا، حکمرانوں نے جس طرح اقتدار کا فائدہ اٹھایا ہے کسی نےنہیں اٹھایا۔

عمران خان نے کہا کہ وزیر اعلیٰ پنجاب شہبازشریف کےخلاف الیکشن کمیشن میں ریفرنس دائرکررہےہیں، کپاس کے پیداواری علاقوں میں پاورپلانٹ کے نام پر 5 شوگر ملز لگائی گئیں، شہبازشریف نےخود کو ہی شوگرملز لگانے کی اجازت دی۔

حکمرانوں نے تسلیم کیا کہ قطری 25 سال سے بزنس پارٹنر ہے، قطری کو کانٹریکٹ دینے کا مطلب خود کو ہی کانٹریکٹ دینا ہے۔

چیئرمین پی ٹی آئی نے کہا کہ ،پختونخوا میں آدھی ،پنجاب اور دیگر علاقوں میں دگنی قیمت پردوائیں مل رہی ہیں، ایل این جی منصوبہ ایک اسکینڈل ہے۔

اس کی بھاری قیمت عوام اداکریں گے، عوام کو تفصیلات نہیں بتائی جاتیں،کوئی عوامی منصوبہ خفیہ کیسےہوسکتاہے؟

Comments

comments

یہ بھی پڑھیں