The news is by your side.

Advertisement

قصور :اے آروائی نیوز کے نمائندے عبدالرزاق کا قاتل گرفتار

قصور : اے آروائی نیوز کے نمائندے عبد الرزاق کو قتل کرنے والے مرکزی ملزم کو حراست میں لے لیا گیا ہے۔

تفصیلات کے مطابق پتوکی کے علاقے میں تین روز قبل ڈکیتی کی واردات میں مزاحمت کرنے پر اے آر وائی نیوز کے نمائندےعبدالرزاق کو قتل جب کہ مقدر حسین کو زخمی کردیا گیا تھا۔

قصور پولیس نے دعوی کیا ہے کہ اے آر وائی نیوز کے نمائندے کے قاتل کو گرفتار کرلیا گیا ہے جس کی شناخت رفعت عرف بابا کے نام سے ہوئی ہے اور ملزم رفعت کو اےآروائی نیوز کے زخمی نمائندے مقدرحسین نے بھی پہچان لیا ہے۔

پولیس کے مطابق ملزم رفعت سیال کلاں کا رہائشی ہے جسے منڈی عثمان والا سے گرفتار کیا گیا ہے جب کہ دیگر ملزمان کی گرفتاری کے لیے چھاپے مارے جا رہے ہیں۔

پولیس کا کہنا ہے کہ ملزم گینگ کا سرغنہ ہے جو ضلع میں ڈکیتی کی وارداتوں میں ملوث ہے اور قتل، ڈکیتی اور راہزنی کی وارداتوں میں مطلوب تھا۔

خیال رہے کہ قصور کا متعلقہ علاقہ ڈکیتی کی وارداتوں کے لیے مشہور ہے جہاں اندھیرا چھاتے ہی ڈاکوؤں کا راج ہوجاتا ہے اور ہر آتی جاتی گاڑیوں کو روک کر کھلے عام لوٹ مار کرتے ہیں۔

Print Friendly, PDF & Email

Comments

comments

یہ بھی پڑھیں