The news is by your side.

Advertisement

سر عام نے نادرا کی کرپشن بے نقاب کردی

کراچی: سر عام نے نادرا کی کرپشن بے نقاب کردی، سر عام کی ٹیم نے اسٹنگ آپریشن کے ذریعے افغان شہری کا شناختی کارڈ بنوالیا۔

تفصیلات کے مطابق سر عام ٹیم کے اسٹنگ آپریشن نے نادرا کی بد ترین کرپشن کا پردہ چاک کردیا، کراچی میں نادرا کے چند کرپٹ اہلکاروں نے رقم کے عوض ایک افغان شہری کا شناختی کارڈ بنانے پر رضا مندی ظاہر کی۔

  سر عام کی ٹیم نے اسٹنگ آپریشن کے ذریعے دکھایا کہ کس طرح ملک کے اندر بیٹھے دشمن قومی سالمیت پر نقب زنی کر رہے ہیں کس طرح کوئی بھی غیر ملکی دہشتگرد چند روپے خرچ کرکے قومی شناختی کارڈ بنواسکتا ہے۔

ڈی جی نادرا کی ناک کے نیچے یہ سب ہوتا رہا لیکن انہیں خبر نہ ہوئی، وہ بس ادارے کو کرپشن فری کرنے کے اقدامات کی کہانی سناتے رہے۔

نادرا ملازمین کی مہر بانی سے پاکستانی شہریت صرف دو لاکھ روپے میں مل سکتی ہے، عوام کا کہنا ہے کہ ان ملک دشمنوں کا احتساب ہو اور جو بھی ہو وہ سر عام ہو۔

Comments

comments

یہ بھی پڑھیں