The news is by your side.

Advertisement

ڈکیتی مزاحمت پر جاں بحق اے آر وائی نیوز کے نمائندے عبد الرزاق سپرد خاک

پتوکی: ڈکیتی کے دوران مزاحمت کرنے پر فائرنگ سے جاں بحق ہونے والے اے آر وائی نیوز چونیاں کے نمائندے عبد الرزاق کو سپرد خاک کر دیا گیا۔ نماز جنازہ کے موقع پر رقت آمیز مناظر دیکھنے میں آئے۔ اہل خانہ، محلے دار اور صحافی برادری غم کی تصویر بنے رہے۔

اے آر وائی نیوز کے شہید نمائندے عبد الرزاق کو آہوں اور سسکیوں میں سپرد خاک کر دیا گیا۔

نماز جنازہ کے موقع پر رقت آمیز مناظر دیکھنے میں آئے۔ نماز جنازہ میں اے آر وائی نیوز کے نمائندگان، صحافی برادری، پولیس، وکلا تنظیموں کے نمائندوں سمیت سول سوسائٹی کی بڑی تعداد نے شرکت کی۔

مزید پڑھیں: ڈکیتی میں مزاحمت پر اے آر وائی نیوز کے نمائندے عبدالرزاق جاں بحق

عبدالرزاق کی شہادت پر مقامی صحافیوں نے 3 روزہ سوگ کا اعلان کر رکھا ہے۔

اے آر وائی فیملی بھی غم کی اس گھڑی میں شہید عبد الرزاق کے اہلخانہ کے ساتھ ہے۔

یاد رہے کہ اے آر وائی نیوز چونیاں کے نمائندے عبد الرزاق گزشتہ روز پتوکی میں ڈاکوؤں کی فائرنگ سے شہید ہوگئے تھے۔ ان کے ساتھ موجود پتوکی کے نمائندے مقدر حسین شدید زخمی ہوئے تھے۔

عبدالرزاق کی شہادت پر پاکستان فیڈرل یونین آف جرنلسٹ نے گہرے رنج و الم کا اظہار کرتے ہوئے کہا ہے کہ پنجاب میں صحافیوں کی جان محفوظ نہیں تو عام آدمی کے لیے صورتحال کتنی خراب ہوگی۔

پی ایف یو جے نے بھی آج یوم سوگ اور علاقے میں بڑھتی ہوئی ڈکیتی کی وارداتوں کے خلاف احتجاج کا اعلان کیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں