‘جس کا میں پسندیدہ وہ میری پسندیدہ‘ -
The news is by your side.

Advertisement

‘جس کا میں پسندیدہ وہ میری پسندیدہ‘

ممبئی: بالی ووڈ کے افق پر ابھرتے ہوئے اداکار کارتیک آریان نے کہا ہے کہ جن اداکارؤں کا میں پسندیدہ ہوں وہی میری پسندیدہ اداکارہ ہیں۔

تفصیلات کے مطابق بالی ووڈ کے نوجوان اداکار کارتیک نے فلم ’سونو کی ٹیٹو کی سوئیٹی‘ سے انڈسٹری میں قدم رکھا اور اپنی صلاحیتوں کا لوہا منوا لیا، گزشتہ برس وہ سب سے زیادہ کامیاب اداکار تھے۔

مختصر عرصے میں انڈسٹری میں اپنا نام بنانے والے نوجوان اداکار اب اداکارؤں میں مقبول ہوتے جارہے ہیں، بالی ووڈ کا ہر دوسرا ڈائریکٹر انہیں اپنی فلم میں لینے کا خواہش مند بھی ہے۔

مزید پڑھیں: جھانوی کے مقابلے میں سارہ علی خان کی مقبولیت سے بونی کپور پریشان

کارتیک سے سوال پوچھا گیا کہ سارہ علی خان اور اننیا پانڈے میں سے کون سی اداکارہ انہیں پسند ہے؟۔

اداکار نے ایک منٹ خاموشی کے بعد سمجھداری کا مظاہرہ کرتے ہوئے جواب دیا کہ ’جن کا میں پسندیدہ وہ میری فیورٹ ہیں‘۔

یاد رہے کہ گزشتہ دنوں بالی ووڈ میں ڈبییو کرنے والی سیف علی خان کی صاحبزادی سارہ علی خان نے ایک ٹی وی شو میں آریان کو اپنا پسندیدہ اداکار قرار دیتے ہوئے اُن سے ملاقات کرنے کی خواہش کا اظہار بھی کیا تھا۔

اس ضمن میں جب آریان سے پوچھا گیا کہ وہ سارہ کے ساتھ وقت گزارنا چاہیں گے تو انہوں نے جواب دیا کہ ہاں ایک کپ کافی کے بارے میں سوچا جاسکتا ہے۔

Comments

comments

یہ بھی پڑھیں