ممبئی: منشیات کیس میں ضمانت ملنے کے بعد بالی ووڈ کنگ خان کے صاحبزادے کی پہلی ویڈیو سامنے آگئی۔
بھارتی میڈیا رپورٹ کے مطابق ممبئی ہائی کورٹ کے حکم پر جیل سے ضمانت پر رہائی حاصل کرنے والے آریان خان کو تفتیش کے لیے انسداد منشیات فورس (این سی بی) نے تفتیش کے لیے طلب کی تھا۔
ضمانت کے بعد آج پہلی بار آریان خان این سی بی کے دفتر پہنچے، جہاں پہلے سے میڈیا نمائندگان اور مداح اُن کی آمد کے منتظر تھے۔
آریان خان کی وائرل ہونے والی ویڈیو میں انہیں پہلے گاڑی میں آتے اور پھر گاڑی سے اتر کر این سی بی کے دفتر جاتے ہوئے دیکھا جاسکتا ہے۔
مزید پڑھیں: ’میرا پیارا سا بچہ باہر آگیا‘ : حرا مانی آریان کی رہائی پر رب کی شکر گزار
یہ بھی پڑھیں: ’میں لارہی ہوں‘ آریان اور اننیا کی ایک اور چیٹ لیک
این سی بی دفتر میں پیشی کے دوران میڈیا نمائندگان نے آریان سے بات کرنے کی کوشش کی لیکن وہ کسی سے بات کیے بنا چلے گئے، اُن کی حفاظت کے لیے پرائیوٹ محافظوں کا دستہ بھی موجود تھا جنہوں نے آریان کو حصار میں لیا ہوا تھا۔
View this post on Instagram
یاد رہے کہ این سی بی نے عدالت کو درخواست ضمانت پر ہونے والی سماعت کے دوران آگاہ کیا تھا کہ وہ کروز شپ منشیات کیس میں ہر جمعے کو آریان خان کو این سی بی دفتر طلب کریں گے۔
یہ بھی یاد رہے کہ آریان کی ضمانت کی شرائط میں یہ بات بھی شامل ہے کہ وہ کیس کے سلسلے میں کسی میڈیا پلیٹ فارم یا سوشل میڈیا پر کوئی بات نہیں کریں گے۔
View this post on Instagram
واضح رہے کہ این سی بی نے دو اکتوبر کو ممبئی کے ساحل کے قریب کروز شپ پر چھاپہ مار کر آریان خان سمیت تین نوجوانوں کو منشیات استعمال کیس میں گرفتار کیا تھا۔ بعد ازاں انہیں 27 اکتوبر کو ضمانت پر رہا کیا گیا۔
