سپہ سالار کی جوانوں کے ساتھ عید Army Chief Celeberate EidulFitr
The news is by your side.

Advertisement

سپہ سالار کی جوانوں کے ساتھ عید

راولپنڈی: ترجمان پاک فوج نے کہا ہے کہ آرمی چیف آف اسٹاف جنرل قمر جاوید باجوہ نے لائن آف کنٹرول پر جوانوں کے ساتھ سادگی سے عید منائی۔

پاک فوج کے تعلقات عامہ سے جاری بیان میں کہا گیا ہے کہ آرمی چیف نے لائن آف کنٹرول پر جوانوں کے ساتھ نمازِعید ادا کی اور ان کے ہمت و حوصلے کو سراہا۔

لائن آف کنٹرول پر ہونے والی نماز میں پاکستان کے استحکام کے لیے خصوصی دعائیں بھی کی گئیں، سپہ سالار نے جوانوں کو عید کی مبارک باد دی اور سب سے گلے بھی ملے۔ سپہ سالار کو اپنے درمیان پاکر نوجوانوں نے مسرت کا اظہار کیا اور انہیں عید کی مبارک باد پیش کی۔

ویڈیو دیکھیں

یاد رہے لائن آف کنٹرول پر سارا سال فوجی جوان تعینات رہتے ہیں جہاں سے بیٹھ کر وہ دشمنوں کی حرکات پر نظر رکھتے ہوئے کسی بھی جارہیت کا بروقت جواب دیتے ہیں۔

پڑھیں: پاک فوج کا عید سادگی سے منانے کا فیصلہ

پڑوسی ممالک خصوصاً بھارت کی جانب سے ایل او سی کی متعدد بار خلاف ورزی کی جاچکی ہے، جنگی جنون میں مبتلا بھارت کے فوجی فائر بندی کی خلاف ورزی کر کے پاکستان کی شہری بستیوں پر حملہ کرتے ہیں تاہم پاک فوج روایتی صلاحیتوں کا مظاہرہ کرتے ہوئے دشمن کی توپیں خاموش کرواتی ہے۔

Comments

comments

یہ بھی پڑھیں