The news is by your side.

Advertisement

کشمیریوں کوحق خودارادیت دیے بغیرخطے کا امن خطرے میں رہے گا‘ پاکستانی سفیر

واشنگٹن: امریکا میں تعینات پاکستانی سفیر اسد مجید خان کا کہنا ہے کہ افغانستان میں امن کے لیے امریکا سے مل کر کام کرنا چاہتے ہیں۔

تفصیلات کے مطابق واشنگٹن میں پاکستانی سفیرڈاکٹر اسد مجید خان نے چیئرمین امورخارجہ ذیلی کمیٹی برائے جنوبی ایشیا سینیٹرمٹ رومنی سے ملاقات کی۔

اسد مجید خان نے ملاقات کے دوران ری پبلکن سینیٹرمٹ رومنی کو جنوبی ایشیا کے حالات پر تفصیلی بریفنگ دی۔

پاکستانی سفیر نے کہا کہ بھارتی پائلٹ کی رہائی کشیدگی کم کرنے کے لیے اہم تھی، انہوں نے پاک بھارت کشیدگی میں کمی کے لیے ٹرمپ انتظامیہ کے کردارکو سراہا۔

ڈاکٹراسد مجید خان نے کہا کہ کشمیریوں کوحق خودارادیت دیے بغیرخطے کا امن خطرے میں رہے گا، خطے کے اہم مسئلے پر مذاکرات کرنا چاہتے ہیں۔

پاکستانی سفیر نے کہا کہ افغانستان میں امن کے لیے امریکا سے مل کر کام کرنا چاہتے ہیں، پاکستان افغان امن کے لیے پُرعزم ہے۔

ری پبلکن سینیٹرمٹ رومنی نے بریفنگ پر پاکستانی سفیر کا شکریہ ادا کرتے ہوئے کہا کہ پاکستان اور امریکا کے متواتر رابطے اہم ہیں۔

پاکستان نے بھارتی جارحیت پرامریکی ردعمل کوناکافی قراردے دیا

یاد رہے کہ گزشتہ ہفتے واشنگٹن میں پاکستانی سفیرڈاکٹراسد مجیدخان نے پریس کانفرنس کے دوران بھارتی جارحیت پرامریکی ردعمل کوناکافی قراردیا تھا۔

Comments

comments

یہ بھی پڑھیں