The news is by your side.

Advertisement

دنیا نے تسلیم کرلیا کہ مسئلہ کشمیر بھارت کا اندرونی معاملہ نہیں، اسد قیصر

اسلام آباد : اسپیکر قومی اسمبلی اسد قیصر نے کہا ہے کہ دنیا نے تسلیم کرلیا کہ مسئلہ کشمیر بھارت کا اندرونی معاملہ نہیں، نصف صدی بعد سلامتی کونسل کا اجلاس ہونا پاکستان کی بڑی کامیابی ہے۔

ان خیالات کا اظہار انہوں نے اسلام آباد میں صحافیون سے گفتگو کرتے ہوئے کیا، انہوں نے کہا کہ بھارت کی جانب سے کشمیریوں کے بنیادی انسانی حقوق سلب کرنے پر پوری دنیا بھارتی اقدامات کی مذمت کر رہی ہے۔

ہم نے کشمیر کا معاملہ عالمی سطح پر اٹھانے میں اپنا بھرپور کردار ادا کیا ہے۔ مسئلہ کشمیر پر نصف صدی بعد سلامتی کونسل کا اجلاس ہونا پاکستان کی کامیابی ہے۔

ان کا مزید کہنا تھا کہ دنیا نے تسلیم کرلیا کہ مسئلہ کشمیر بھارت کا اندرونی معاملہ نہیں ہے، سلامتی کونسل کےاجلاس سے کشمیریوں کی حوصلہ افزائی ہوئی۔

ایک سوال کے جواب میں اسپیکرقومی اسمبلی نے کہا کہ بھارتی مظالم پر عالمی برادری کی خاموشی ٹوٹی ہے اور پاکستان بھی دنیا کے ہر فورم پر کشمیرکا مقدمہ لڑرہا ہے۔

پورے کشمیر میں کرفیو کی وجہ سے کشمیری عوام بھوک اور اذیت میں مبتلا ہیں، اور مریضوں کو دوائیں تک میسر نہیں ہیں، ذرائع ابلاغ پر بھی پابندی ہے، انہوں نے اپیل کی کہ سلامتی کونسل کشمیر کی صورتحال مزید خراب ہونے سے بچائے۔

Comments

comments

یہ بھی پڑھیں