ایوان میں باقاعدگی سے آئیں، نو منتخب اسپیکر اسد قیصر کی وزرا کو ہدایت -
The news is by your side.

Advertisement

ایوان میں باقاعدگی سے آئیں، نو منتخب اسپیکر اسد قیصر کی وزرا کو ہدایت

اسلام آباد: پاکستان تحریکِ انصاف کے رہنما اور نو منتخب اسپیکر قومی اسمبلی نے وزرا کو ہدایات جاری کرتے ہوئے کہا ہے کہ وہ ایوان میں باقاعدگی سے حاضری کو یقینی بنائیں۔

ان خیالات کا اظہار انھوں نے میڈیا سے گفتگو کرتے ہوئے کیا، انھوں نے کہا ’میں نے وزرا کو ہدایات دی ہیں کہ ایوان میں باقاعدگی سے آئیں۔‘

اسپیکر قومی اسمبلی اسد قیصر کا کہنا تھا کہ پارلیمان کو مضبوط ادارہ بنایا جائے گا، وزیرِ اعظم خود ایک گھنٹہ سوالوں کے جواب دیں گے۔

انھوں نے کہا کہ عوام کی توقعات پر پورا اتریں گے، ہم سب کو ساتھ لے کر چلیں گے، ملک کے مسائل حل کرنا سب سے اہم ہے، ہمارا مقصد عوام کو ریلیف دینا ہے۔

قومی اسمبلی کے نو منتخب اسپیکر نے مزید کہا کہ خیبر پختونخوا میں 170 بل منظور کیے گئے جو ایک مثال ہے، پی ٹی آئی کا ایجنڈا نیا پاکستان ہے، ہم اداروں میں اصلاحات چاہتے ہیں اور اداروں کی مضبوطی پر یقین رکھتے ہیں۔

تحریک انصاف کے اسد قیصر قومی اسمبلی کے اسپیکر، قاسم خان سوری ڈپٹی اسپیکر منتخب

خیال رہے کہ آج قومی اسمبلی میں اسپیکر اور ڈپٹی اسپیکر کے انتخاب کے لیے ووٹنگ ہوئی جس میں تحریکِ انصاف کے امیدوار اسد قیصر 176 ووٹ لے کر قومی اسمبلی کے اسپیکر منتخب ہوگئے، ان کا مقابلہ پی پی کے خورشید شاہ سے تھا۔

Comments

comments

یہ بھی پڑھیں