قوم شہدا کی قربانیوں کو قدر کی نگاہ سے دیکھتی ہے -
The news is by your side.

Advertisement

قوم شہدا کی قربانیوں کو قدر کی نگاہ سے دیکھتی ہے

یوم دفاع پاکستان پراسپیکر و ڈپٹی اسپیکر قومی اسمبلی کا پیغام

اسلام آباد : یوم دفاع پاکستان پر اسپیکروڈپٹی اسپیکرقومی اسمبلی نے اپنے پیغام میں کہا ہے کہ ملک کے تحفظ کے لیے مسلح افواج کی قربانیاں قابل تحسین ہیں۔

تفصیلات کے مطابق یوم دفاع پاکستان کے موقع پر اسپیکر قومی اسمبلی اسد قیصر نے اپنے پیغام میں کہا کہ قوم شہدا کی قربانیوں کو قدر کی نگاہ سے دیکھتی ہے۔

اسپیکرقومی اسمبلی نے مزید کہا کہ پاک فوج کسی بھی جارحیت کا منہ توڑجواب دینے کی صلاحیت رکھتی ہے، دہشت گردی کے خلاف جنگ میں قوم مسلح افواج کے شانہ بشانہ ہے۔

ڈپٹی اسپیکرقوم اسمبلی قاسم سوری نے یوم دفاع کے موقع پر اپنے پیغام میں کہا کہ ملک کے تحفظ کے لیے مسلح افواج کی قربانیاں قابل تحسین ہیں۔

قاسم سوری نے کہا کہ 6 ستمبر 1965 کو قوم اور مسلح ا فواج نے بے مثال جذبے کا مظاہرہ کیا، قومی جذبے کو دہرا کر تمام چیلنجزسے نبرد آزما ہوسکتے ہیں۔

قوم آج یوم دفاع پاکستان ملی جوش وجذبے سے منارہی ہے

واضح رہے کہ ملک بھر میں یوم دفاع پاکستان بھرپورجوش وخروش اور ملی جذبے کے ساتھ منایا جا رہا ہے ہے۔

یوم دفاع کی مرکزی تقریب آج جی ایچ کیو راولپنڈی میں منعقد کی جائے گی جس میں وزیراعظم عمران خان بطور مہمان خصوصی شرکت کریں گے۔ قوم اپنے شہدا کو خصوصی خراج عقیدت پیش کرے گی اور ان کی قربانیاں اجاگر کی جائیں گی۔

Comments

comments

یہ بھی پڑھیں