The news is by your side.

اسد عمر نے الیکشن کمیشن کا توہین عدالت سے متعلق نوٹس چیلنج کردیا

کراچی : تحریک انصاف کے رہنما اسد عمر نے الیکشن کمیشن کا توہین عدالت سے متعلق نوٹس چیلنج کردیا۔

تفصیلات کے مطابق تحریک انصاف کے رہنما اسد عمر نے توہین سے متعلق الیکشن کمیشن کے نوٹس کیخلاف سندھ ہائی کورٹ میں درخواست دائر کردی۔

اسدعمر نے درخواست میں استدعا کی ہے کہ الیکشن کمیشن کا 19اگست کا جاری کردہ نوٹس غیر آئینی قرار دیا جائے۔

درخواست میں کہا گیا ہےکہ آئین کےمطابق الیکشن کمیشن عدالت نہیں،آرٹیکل 204 میں الیکشن کمیشن کا ذکر نہیں ۔ الیکشن کمیشن کا نوٹس آئین میں دییے گئے اظہارِ رائے کے حق کے خلاف ہے۔

اسد عمر نے استدعا کی درخواست کی سماعت تک درخواست گزار کے خلاف ایکشن لینے سے روکا جائے اور درخواست کے فیصلے تک نوٹس پر عملدرآمد معطل کیا جائے۔

درخواست میں وزارت قانون اور چیف الیکشن کمشنر کو فریق بنایا گیا ہے۔

اس سے قبل پی ٹی آئی رہنما اسد عمر نے میڈیا سے گفتگو کرتے ہوئے کہا تھا کہ عمران خان اور مجھے اور فواد چوہدری توہین الیکشن کمیشن کا نوٹس دیا، آئین واضح ہے الیکشن کمیشن عدالت نہیں ہے۔

الیکشن کمیشن کا جاری کردہ نوٹس غیرآئینی ہے، پی ٹی آئی کے خلاف الیکشن کمیشن کےفیصلوں کی قانون میں کوئی گنجائش نہیں ، الیکشن کمیشن چاہتاہےسیاہ کو فید اور سفید کو سیاہ کرتا رہے اور ہم مانتے رہیں تو ایسا نہیں ہوگا۔

Comments

یہ بھی پڑھیں