The news is by your side.

Advertisement

حکومت 5 سال پورے کرے گی: اسد عمر

اسلام آباد: رکن قومی اسمبلی اسد عمر کا کہنا ہے کہ حکومت 5 سال پورے کرے گی، جس چیز کا مینڈیٹ لے کر آئے ہیں اس کو پورا کرنا ہے۔

تفصیلات کے مطابق سابق وزیر خزانہ اور رکن قومی اسمبلی اسد عمر نے قومی اسمبلی کے اجلاس سے اظہار خیال کرتے ہوئے کہا کہ اپوزیشن نے تحریک عدم اعتماد واپس لی ہے، اپوزیشن کا شکریہ ادا کرنا چاہتا ہوں۔

اسد عمر نے کہا کہ جس چیز کا مینڈیٹ لے کر آئے ہیں اس کو پورا کرنا ہے، حکومت 5 سال پورے کرے گی۔ یقین ہے عوام کہیں گے پارلیمنٹ نے بہتر کام کیا۔

انہوں نے کہا کہ حکومت کی عددی اکثریت کا کئی بار اظہار کر چکے ہیں، ہم نہیں چاہتے کہ اسپیکر اور ڈپٹی اسپیکر کے عہدے متنازعہ ہوں، جس نظریے پر ووٹ لے کر آئے ہیں اس سے 1 انچ نہیں پیچھے ہٹیں گے۔

اسد عمر نے مزید کہا کہ اپوزیشن بھی اپنا نکتہ نظر بیان کرے یہ ان کا حق ہے۔

یاد رہے کہ گزشتہ ہفتے اپوزیشن نے ڈپٹی اسپیکر قومی اسمبلی قاسم سوری کے خلاف تحریک عدم اعتماد جمع کروائی تھی، تحریک میں کہا گیا تھا کہ ڈپٹی اسپیکر نے آئین اور قواعد کی خلاف ورزی کی ہے، ڈپٹی اسپیکر ارکان اسمبلی کا اعتماد کھو چکے ہیں۔

تاہم آج اپوزیشن نے ڈپٹی اسپیکر کے خلاف تحریک عدم اعتماد واپس لینے کا اعلان کردیا۔

اجلاس میں منظور کیے گئے آرڈیننس کے حوالے سے حکومت اور اپوزیشن کے درمیان معاملات طے پاگئے جس کے بعد اپوزیشن نے قاسم خان سوری کے خلاف عدم اعتماد کی تحریک واپس لینے کا اعلان کیا۔

Comments

comments

یہ بھی پڑھیں