site
stats
پاکستان

شریف خاندان کی منی ٹریل کا تعلق اسحاق ڈارسے ہے، اسد عمر

اسلام آباد : پی ٹی آئی کے رہنما اسد عمر نے کہا ہے کہ اسحاق ڈار کو لندن فلیٹس کے منی ٹریل کا پتہ ہے۔ شریف خاندان کی منی ٹریل میں اسحاق ڈار کا براہ راست تعلق ہے۔

ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے گفتگو کرتے ہوئے کیا۔

اسد عمر نے انکشاف کیا کہ وزیراعظم نے خط کے بدلے قطری شہزادے کو بغیر بولی کے پورٹ قاسم کا دو ارب ڈالر کا میگا پروجیکٹ دے دیا۔ جس میں قطری شہزادے کو ڈیڑھ ارب ڈالر کا فائدہ پہنچایا جارہا ہے۔

انہوں نے کہا کہ انصاف کاتقاضا ہے کہ وزیراعظم استعفیٰ دیکر جےآئی ٹی میں پیش ہوتے کیونکہ تفتیش کرنے والے تمام ادارے وزیراعظم کے ماتحت ہیں۔

اسدعمر کا کہنا تھا کہ نوازشریف نے یوسف رضاگیلانی سے بھی استعفےکامطالبہ کیاتھا، وزیراعظم  کو اب اپنے اس مطالبے پرخود بھی عملدرآمد کرناچاہیئے۔

ایک سوال کے جواب میں اسد عمر نے کہا کہ لیگی وزراء نے سپریم کورٹ پرتنقید کرنےمیں کوئی کسرنہیں چھوڑی، ن لیگی وزرا ایک بارنہیں بلکہ متعدد بارتوہین عدالت کے مرتکب ہوچکےہیں، شریف خاندان سپریم کورٹ میں رنگے ہاتھوں پکڑا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top