اسلام آباد : پاکستان تحریک انصاف کے رہنما اسد عمر کا کہنا ہے کہ نواز شریف واپس آئیں تو قانون کے مطابق فیصلے ہونے چاہئیں۔
تفصیلات کے مطابق پاکستان تحریک انصاف کے رہنما اسد عمر نے انسداددہشت گردی عدالت کے باہر میڈیا سے گفتگو کرتے ہوئے کہا کہ انصاف یہی ہے ایک جماعت کوجلسےکی اجازت ملی ہے توسب کوملنی چاہئے، عدالت سےرجوع کیاہے اورعدالت سے امید ہے۔
نواز شریف کی واپسی پر اسد عمر کا کہنا تھا کہ نواز شریف کوملک میں ہونا چاہیے، جب واپس آئیں گے تو قانون کے مطابق فیصلے ہونے چاہئیں۔
انتخابات کے حوالے سے سوال پر رہنما پی ٹی آئی نے کہا کہ میری ذاتی خواہش ہےجلد انتخابات ہوں اور چیئرمین تحریک انصاف اور نواز شریف انتخابی مہم کیلئے آزاد ہوں۔
اسرائیل فلسطین تنازع سے متعلق ان کا کہنا تھا کہ فلسطین کیلئے آوازنہ اٹھانےسےکسی کی خوشنودی نہیں ملےگی، فلسطین کیلئے آواز نہیں اٹھائیں گے تو کشمیر کیلئے آواز نہیں اٹھےگی، چاہتے ہیں کہ کشمیر میں مظالم پر بات ہو تو ہر مظلوم کیلئے آواز اٹھانی چاہیے۔
