The news is by your side.

Advertisement

کورونا ختم ہو گا تو پی ٹی آئی اور ایم کیو ایم ملکر بڑا جلسہ کرکے دکھائے گی، اسد عمر کااعلان

حیدرآباد: وفاقی وزیراسد عمر کا کہنا ہے کہ اپوزیشن کے جلسوں سےگھبرانے والی کوئی بات نہیں، کورونا ختم ہو گاتو پی ٹی آئی اور ایم کیو ایم ملکر بڑا جلسہ کرکے دکھائیں گے۔

تفصیلات کے مطابق وفاقی وزیر منصوبہ بندی اسد عمر نے میڈیا سے گفتگو کرتے ہوئے اپوزیشن کے جلسوں کے حوالے سے کہا کہ ان جلسوں سے گھبرانے والی کوئی بات نہیں، کیپٹن(ر)صفدرکی جس طرح گرفتاری ہوئی اس کی ضرورت نہیں تھی، وہ کونسے بڑے سیاسی ٹارزن ہیں۔

وفاقی وزیر منصوبہ بندی کا کہنا تھا کہ قائد اعظم کی قبر پر بے حرمتی کی گئی، چھلانگیں ماری گئیں، کورونا کا کا مسئلہ نہ ہو تو پی ٹی آئی، ایم کیو ایم بڑا جلسہ کرکے دکھاتے۔

اسد عمر نے کہا کہ کراچی پیکج میں 5 بڑےمنصوبوں کی ذمہ داری وفاق نے لی ہے، کے فور پر دوبارہ کام شروع ہوگا اس کی ذمہ داری واپڈا نے لی ہے، کورونا ختم ہو گاتو پی ٹی آئی اور ایم کیو ایم ملکر بڑا جلسہ کرکے دکھائیں گے۔

آئی جی سندھ کے اغوا کے حوالے سے ان کا کہنا تھا کہ وزیر اعلیٰ سندھ تو نہیں مان رہے کہ آئی جی اغوا ہوا تھا، آئی جی بھی نہیں مان رہے کہ وہ اغوا ہوئے تھے، پولیس تو خود کہہ رہی ہےکہ مقدمہ قانون کے مطابق درج ہوا، جب قانون کے خلاف کام نہیں ہوا تو پولیس افسران نے احتجاج کس چیز پرکیا؟

وفاقی وزیر نے مزید کہا پولیس افسران کی چھٹی کی درخواستیں سیاسی کھیل کا حصہ تھا، پولیس افسران کیخلاف قانون کے مطابق کارروائی ہوگی۔

Comments

یہ بھی پڑھیں