The news is by your side.

Advertisement

کامیاب جوان پروگرام سے نوجوانوں کو با اختیار بنائیں گے، اسد عمر

اسلام آباد: وفاقی وزیر برائے منصوبہ بندی اور خصوصی اقدامات اسد عمر کا کہنا ہے کہ کامیاب جوان پروگرام سے نوجوانوں کو با اختیار بنائیں گے، نوجوان قوم کامستقبل ہیں یہ ملکی ترقی کا سبب بنیں گے۔

تفصیلات کے مطابق وفاقی دارالحکومت اسلام آباد میں وفاقی وزیر برائے منصوبہ بندی نے تقریب سے خطاب کرتے ہوئے کہا کہ نوجوان پاکستان کا بہت بڑا اثاثہ ہیں، نوجوان کی کامیاب زندگی ہمارا مقصد ہے۔

اسد عمر نے کہا کہ کاروبار کی شروعات چھوٹے پائلٹ پراجیکٹ سے کرنا چاہیے، ہمیشہ بڑا سوچو اور چھوٹے کام سے آغاز کرکے آگے بڑھاجائے، کام شروع کرنے سے نوجوانوں کو بہت کچھ سیکھنے کو ملے گا۔

وفاقی وزیر نے کہا کہ اسٹارٹ اپ پروگرام کا آغاز اسلام آباد سے کیا جا رہا ہے، یہ پروگرام لاہور اور دیگر شہروں میں بھی آئے گا۔ انہوں نے کہا کہ نوجوانوں کو روزگار ملے گا اور کاروبار بڑھیں گے، نوجوان اپنے آئیڈیاز لے کر آئیں تو حوصلہ افزائی کریں گے۔

اسد عمر نے کہا کہ کامیاب جوان پروگرام سے نوجوانوں کو با اختیار بنائیں گے، نوجوان قوم کامستقبل ہیں یہ ملکی ترقی کاسبب بنیں گے۔ انہوں نے کہا کہ نوجوانوں کو گلہ ہے ان کی بات نہیں سنی جاتی۔

وفاقی وزیر برائے منصوبہ بندی نے مزید کہا کہ طلبہ یونینزکے معاملے پر بھی بات چیت چل رہی ہے، نوجوانوں کے مسائل حل کرنے کے لیے ان کی بات سنی جائے گی۔

Comments

یہ بھی پڑھیں