The news is by your side.

Advertisement

گڈ گورننس کے لیے پیشہ ورانہ مہارت اورتربیت ضروری ہے‘ اسد عمر

اسلام آباد : وفاقی وزیر خزانہ اسد عمر کا کہنا ہے کہ پیشہ ورانہ افراد کومراعات دے کرصلاحیتوں سے فائدہ اٹھایا جاسکتا ہے۔

تفصیلات کے مطابق وزیرخزانہ اسدعمرنے بزنس لیڈرکانفرنس سے خطاب کرتے ہوئے کہا کہ گڈ گورننس کے لیے پیشہ ورانہ مہارت اورتربیت ضروری ہے۔

اسد عمر نے کہا کہ سرکاری اورنجی شعبے کے اشتراک سے ہرشعبے میں بہتری آتی ہے، نجی شعبے کے پاس پیشہ ورانہ افراد کے لیے زیادہ مواقع ہوتے ہیں۔

وفاقی وزیر خزانہ نے کہا کہ پیشہ ورانہ افراد کومراعات دے کرصلاحیتوں سے فائدہ اٹھایا جاسکتا ہے، پاکستان میں پیشہ ورانہ صلاحیتیں رکھنے والے افراد کی کمی نہیں ہے۔

یاد رہے کہ گزشتہ روز وزیرِ خزانہ نے اسلام آباد میں صفِ اول کے ٹیکس دہندگان کے اعزاز میں ایوارڈز کی تقریب سے خطاب کرتے ہوئے کہا تھا کہ جو ٹیکس دینا چاہتا ہے اس کے لیے آسانی پیدا کرنا چاہتے ہیں۔

لوگوں کے حق حلال کا پیسا قوم کی فلاح کے لیے استعمال ہونا چاہیے‘ اسد عمر

وزیرِ خزانہ کا کہنا تھا کہ حکومت ٹیکس کے دائرہ کار کو وسیع کرنے کے لیے ٹیکس نظام میں آسانیاں پیدا کر رہی ہے۔

اسد عمر کا کہنا تھا کہ قومی خزانہ لوٹنے والوں کو ڈاکو نہ کہیں تو اور کیا کہیں، ہم چاہتے ہیں جو چوری کررہے ہیں وہ پکڑے جائیں، اس میں کوئی سیاست نہیں۔

Comments

comments

یہ بھی پڑھیں