، حکومت میں آکر تمام اداروں کو فعال کرکے مضبوط بنائیں گے asad umar
The news is by your side.

Advertisement

قوم کی لوٹی ہوئی دولت واپس لائیں گے، اسد عمر

اسلام آباد: پاکستان تحریک انصاف کے رہنما اسد عمر نے کہا ہے کہ عمران خان نے قوم کو جو راستہ دکھایا ہے اس پر عمل کریں گے، عوام پر اثر انداز ہونے والے ٹیکس کو ختم کریں گے، قوم کی لوٹی ہوئی دولت واپس لائیں گے۔

ان خیالات کا اظہار انہوں نے اے آر وائی نیوز کے پروگرام پاور پلے میں گفتگو کرتے ہوئے کیا، اسد عمر نے کہا کہ دوست ممالک یا بیرون ملک پاکستان کے ذریعے پیسہ لے سکتے ہیں، ایک آپشن بین الاقوامی مالیاتی اداروں کا بھی ہوتا ہے۔

انہوں نے کہا کہ ہمارا ہدف یہی ہے عوام پر کم سے کم بوجھ پڑے، اوورسیز پاکستانی ملک کے لیے کچھ کرنا چاہتے ہیں، سکوک بانڈز اوورسیز پاکستانیوں کے لیے جاری کیے جاسکتے ہیں، اوورسیز پاکستانیوں کا عمران خان پر اعتماد ہے۔

اسد عمر نے کہا کہ کوشش ہے پاکستان میں لوگوں کو روزگار ملے تاکہ باہر نہ جائیں، بیرون ملک پڑے پیسے واپس لائیں گے، غیرملکی ماہرین سے رابطہ کریں گے کہ کیسے پیسہ واپس ملک میں لائیں، قوم کی لوٹی ہوئی دولت واپس لائیں گے۔

رہنما تحریک انصاف نے کہا کہ پاکستان کا قرضہ 94 ارب ڈالر ہوگیا ہے، زرمبادلہ کے ذخائر بہت حد تک کم گر گئے ہیں، ملک کو مشکلات سے نکالیں گے، کھاد پر کسانوں کو سبسڈی دیں گے، ہوسکتا ہے کہ ڈٰیم پانچ سال بعد بھی نہ بن سکے، عوام کو فوری ریلیف دینے کے لیے اقدامات کریں گے۔

اسد عمر کے مطابق کسی رہنما پر کرپشن کا سنجیدہ کیس ہوا تو عمران خان سوچ سمجھ کر فیصلہ کریں گے، وہ سفید سیاہ کا فرق دیکھ کر فیصلہ لیں گے۔

انہوں نے کہا کہ پاکستان کے شمالی علاقہ جات بہت خوبصورت ہیں، شمالی علاقوں میں سیاحت کو بہت فروغ ملے گا، کپتان اوورسیز پاکستانیوں سے اپیل کریں گے پاکستان چھٹیاں منانے آئیں۔

اسد عمر نے کہا کہ ن لیگ کی حکومت میں تمام ادارے غیر فعال تھے، حکومت میں آکر تمام اداروں کو فعال کرکے مضبوط بنائیں گے، سب سے پہلے گردشی قرضے کو ختم کیا جائے گا، غلط کام پر کوئی سمجھوتہ نہیں کریں گے۔

Comments

comments

یہ بھی پڑھیں