The news is by your side.

Advertisement

ملک میں سرمایہ کاری کے فروغ کے لیے سہولیات دے رہے ہیں، اسد عمر

واشنگٹن: وفاقی وزیر خزانہ اسد عمر نے کہا ہے کہ ملک میں سرمایہ کاری کے فروغ کے لیے سہولیات دے رہے ہیں، کاروبار کے لیے آسان ماحول کی دستیابی ترجیح ہے۔

تفصیلات کے مطابق وزیر خزانہ اسد عمر نے واشنگٹن میں پاکستانی کاروباری برادری سے خطاب کرتے ہوئے کہا کہ پاکستان میں غیرملکی سرمایہ کاری کے خاطر خواہ مواقع موجود ہیں، پاکستانی نژاد امریکی بھی کاروباری مواقع سے بھرپور فائدہ اٹھا سکتے ہیں۔

انہوں نے کہا کہ پائیدار بنیادوں پر معیشت کو استوار کرنے کے لیے اقدامات جاری ہیں، معاشی سرگرمیوں میں اضافے کے لیے اصلاحات ضروری ہیں، برآمدگی شعبے کی کارکردگی بڑھانے کے لیے اقدامات کیے جارہے ہیں۔

وزیر خزانہ نے ملک کی موجودہ معاشی صورت حال سے پاکستانی بزنس کمیونٹی کو آگاہ کیا، اسد عمر نے آئی ایم ایف، عالمی بینک اجلاس کے سائیڈ لائن مالیاتی اداروں کے رہنماؤں سے ملاقات سے بھی آگاہ کیا۔

مزید پڑھیں: آئی ایم ایف کےساتھ اصولی اتفاق ہوگیا ہے،پروگرام جلدمکمل ہوجائےگا، اسد عمر

واضح رہے کہ گزشتہ روز اسد عمرکا کہنا تھا کہ آئی ایم ایف کےساتھ اصولی موقف طے پاگیا ہے، پروگرام جلد مکمل ہوگا، یہ پروگرام پاکستانی معیشت کو بہتری کی طرف لے جائے گا۔

ان کا کہنا تھا کہ اگلےچندہفتوں کےاندرآئی ایم ایف کامشن پاکستان آئےگا، آئی ایم ایف مشن معاہدےکی تکنیکی تفصیلات طےکرنےآئےگا، آئی ایم ایف پروگرام معیشت کوبہتری کی جانب لےجائے گا۔

اسد عمر کا کہنا تھا خطرناک حدتک ادائیگیوں کےتوازن کےبحران کاسامناتھا، ادائیگیوں کےتوازن سےنمٹنےکیلئےاقدامات کیےگئےہیں، خطےکےاندرتجارت سےعوام کی بہتری ہوگی۔

Comments

comments

یہ بھی پڑھیں